ტერი გიბსონი ფიქრობს, რომ მადრიდის "ატლეტიკოს" მთავარი მწვრთნელი დიეგო სიმეონე "მანჩესტერ იუნაიტედისთვის" კარგი არჩევანი არ იქნება.

სიმეონეს გუნდი, რომელმაც ლა ლიგაში ზედიზედ რვა მატჩი მოიგო, ესპანეთის ჩემპიონატში მეორე ადგილზე იმყოფება, "ბარსელონას" მხოლოდ ბურთების ცუდი შეფარდების გამო ჩამორჩება და მადრიდის "რეალს" ხუთი ქულით უსწრებს.

ლუი ვან გაალის გუნდი იმავე პერიოდში სულ უფრო და უფრო უკან იხევს და ჩემპიონატში ნაჩვენები ცუდი შედეგებისა და ჩემპიონთა ლიგის ჯგუფური ეტაპიდან გამოვარდნის გარდა კრიტიკას გუნდის სათამაშო სტილიც იმსახურებს.

ექსპერტ ტერი გიბსონს მიაჩნია, რომ "იუნაიტედის" გულშემატკივარი კმაყოფილი ვერ იქნება ლუი ვან გაალის ხელმძღვანელობით, თუმცა არც სიმეონეა ადამიანი, რომელიც მათ გააბედნიერებს.

"სხვაგან ვერსად ვხედავ სიმეონეს. "ატლეტიკოს" ძალიან კარგად შეეწყო. მას ყველაფრის მართვის უნარი აქვს, შეუძლია ბრძოლისუნარიანობა ჩაუნერგოს შეძენილ ფეხბურთელებსაც და გაყიდულებსაც.

მას შეუძლია თავდაჯერებულობა ჩაუნერგოს მოთამაშეს, რომელიც შეიძინა, მაგრამ თუ მისი აზრით კარგი არ გამოდგა, უცებ იღებს იჯარის წესით გასხვისების გადაწყვეტილებას და კლუბი მცირე ან დიდ სარგებელს იღებს ფეხბურთელით, რომელიც გაასხვისა", - აცხადებს გიბსონი.

ალესიო ჩერჩი, რომელიც სიმეონემ 2014 წლის ზაფხულში "ტორინოდან" შეიძინა, არგენტინელმა მალევე გაყიდა "მილანში".

იგივე მოხდა რაულ ხიმენესის შემთხვევაშიც, რომელიც ასევე 2014 წლის ზაფხულში გადავიდა მარდიდულ კლუბში. მასაც მხოლოდ ერთი წელი მიეცა თავის გამოსაჩენად, შემდეგ კი "ბენფიკაში" გადაბარგდა.

"ჩერჩი, გილავოგი და რაულ ხიმენესი კარგი მაგალითები არიან. სიმეონეს ამ გადაწყვეტილების მისაღებად ძალაც აქვს და ავტორიტეტიც.

სტილი, რომლითაც ის ათამაშებს გუნდს, საუკეთესო სამეულთა შორის აუტსაიდერად აქცევს და მხოლოდ "ატლეტიკოს" გულშემატკივარს დააკმაყოფილებს.

"მანჩესტერ იუნაიტედში" გადასვლა, სადაც ასეთ სათამაშო სტილს არ იღებენ, კარგი მორგება ვერ იქნება".

წყარო: skysports