"მიდტიულანდი", პატარა დანიური კლუბი, რომელმაც ევროპის ლიგის საკვალიფიკაციო ეტაპზე "საუთჰემპტონს" სძლია, ამავე ტურნირზე "მანჩესტერ იუნაიტედს" დაუპირისპირდება.

კლუბი იმავე წელს დაარსდა, როცა "მანჩესტერ იუნაიტედმა" ტრებლი მოიგო - 1999 წელი.







კლუბის მფლობელმა, მეთიუ ბენჰემმა კონკურენტების დამარცხებითა და მომდევნო ეტაპზე გასვლით კარგი ფინანსური სარგებელი ნახა, ჩვენ კი გაგაცნობთ გუნდს, რომელსაც ლუი ვან გაალის შეგირდები დაუპირისპირდებიან.




ბენჰემი ასევე "ბრენტფორდის" მფლობელიცაა, სადაც იგივე ტიპის კლუბის შექმნას ცდილობს, თუმცა "მიდტიულანდი" წარმატებით განსხვავდება.

ყველაფერი ალგორითმისა და სტატისტიკური ანალიზის დამსახურებაა.

როგორ ახერხებენ ასეთი პატარა კლუბები ევროპის ლიგაზე პროგრესირებას?

"მანჩესტერ იუნაიტედი" დანიაში 18 თებერვალს გაფრინდება, ერთ კვირაში კი მეტოქეს სახლში მიიღებს

"მიდტიულანდი" აბსოლუტურად განსხვავებულ მაგალითს აჩვენებს საფეხბურთო კლუბის განვითარებისთვის.

კლუბის მდივანი რასმუს ანრექსენი მხოლოდ 30 წლის გახლავთ, მისი კარიერა კი მფლობელისთვის შეკითხვის დასმით დაიწყო, რომელიც ასე ჟღერდა: "რას დაემსგავსებოდა საფეხბურთო კლუბი, ადამიანს ყურები და თვალები რომ არ ჰქონოდა".



დაუჯერებლად ჟღერს, მაგრამ ამ კლუბმა ტიტული გაცილებით ნაკლები ბიუჯეტით მოიგო, ვიდრე სხვა კლუბებს აქვთ, მათი მიღწევა უბრალოდ ზღაპრულია.

ანრექსენი ალბათ, ერთადერთი პროფესიონალი მდივანია რომელსაც ხელ-ფეხი "შეკრული" აქვს.

არიან ისევ კარგები?




დანიის სუპერლიგაში გუნდი მესამე ადგილზე იმყოფება და ლიდერ "კოპენჰაგენს" 4 ქულით ჩამორჩება, თუმცა გუნდი მოქმედი ჩემპიონია.

ევროპის ლიგას რაც შეეხება, საკვალიფიკაციო ეტაპზე "საუთჰემპტონი" ორი მატჩის ჯამში დაამარცხეს, ჯგუფში კი, სადაც "ნაპოლი", "ბრიუგე" და "ლეგია" ასპარეზობდნენ, მეორე ადგილი დაიკავეს.

ვინ არის მწვრთნელი?

მწვრთნელი ჯეს თორუპი ინგლისში უცნობია, დანიის 21-წლამდელთა ნაკრები კი კლუბის გაწვრთნის გამო მიატოვა

ჯეს თორუპს ინგლისში არ იცნობენ.

45 წლის მწვრთნელი ადრე დანიის სუპერლიგაში "ესბიერგს" წვრთნიდა, მოგვიანებით კი დანიის 21-წლამდელთა ნაკრების მთავარი მწვრთნელის პოსტი "მიდტიულანდში" მუშაობის" გამო მიატოვა.

ყოფილი მწვრთნელი, გლენ რიდერსჰოლმი ზაფხულში გადააყენეს პოსტიდან, მიუხედავად იმისა, რომ კლუბს პირველი ჩემპიონობა მოუპოვა.

"მიდტიულანდის" ნახევარმცველმა, ტიმ სპარვმა განაცხადა, რომ "იუნაიტედთან" შეხვედრა სურდა.

"არარეალურია! ნამდვილად "მანჩესტერ იუნაიტედის" წინააღმდეგ ვითამაშებ. კლუბის, რომელსაც ბავშვობიდან ვქომაგობ"

საუკეთესო ფეხბურთელი?

ამ სეზონში გამორჩეული არავინ ყოფილა.

ლიგაში საუკეთესო ბომბარდირები მორტენ რასმუსენი და მიკელ დიულენდი არიან, რომელთაც ოთხ-ოთხი გოლი აქვთ. "საუთჰემტპტონთან" ორმატჩიან დუელში გამარჯვებს გოლი სწორედ ფორვარდმა რასმუსენმა გაიტანა.



მას ზედმეტსახელად "დანკანს" ეძახიან, რომელიც "ევერტონის" ყოფილი ფორვარდის, დანკან ფერგიუსონის სახელს უკავშირდება, თუმცა შოტლანდიელის გულშემატკივარი არ არის. სიმართლე ვთქვათ, მას საერთოდ არ ჰგავს.

რას დაუპირისპირდება "იუნაიტედი" გასვლით მატჩში?






გასვლით სექტორს დიდი ადგილი არ დაეთმობა.

უეფა-ს წესების თანახმად, მასპინძელმა გუნდმა სტადიონის ტევადობის 5% სტუმარი გუნდის გულშემატკივარს უნდა დაუთმოს. ეს კი ნიშნავს, რომ "იუნაიტედის" მხოლოდ 600 ბილეთს მიიღებს.

"საუთჰემპტონმა" მხოლოდ 554 ბილეთი მიიღო, როცა ქალაქს ეწვია. ჰერნინგი, სადაც კლუბი თამაშობს, პატარა ქალაქია და 50 000 მაცხოვრებელზე ნაკლები ჰყავს.

ქალაქში მხოლოდ რამდენიმე ბარი და რესტორანია. ამინდი ცივი იქნება. თებერვალში საშუალო ტემპერატურა ორიდან სამ გრადუსამდე იქნება დღისით, ხოლო ღამით, მინუსში გადავა.

წყარო: dailymail