14-12-2015, 19:26

ავტორი: RojoDiablo,

ნანახია: 3407,

კომენტარები: 7

"ახლა სიტყვებიც კი არ კმარა"

ხუან მატას ყოველკვირეული ბლოგი.

დიდხანს ვიფიქრე შაბათის საღამოსა და ამ იმედგაცრუების კვირას თქვენთვის სათქმელ სიტყვებზე.

ვიცი, რომ ამის წაკითხვა არ გინდათ, რომ ახლა სიტყვები საკმარისი არ არის. და გეთანხმებით. ჩემთვის წერა რთულია, როცა მხოლოდ ის მინდა, რომ უახლოესი მატჩი რაც შეიძლება მალე მოვიდეს. მაგრამ ყველაფერი გაივლის და არც ეს ცუდი პერიოდია გამონაკლისი.

როცა "ბორნმუთიდან" სახლში ვბრუნდებოდით, მხოლოდ მარცხის მწუხარებაზე ვფიქრობდი, იმათ იმედგაცრუებაზე, ვინც ჩვენთან მოვიდა, ვინც ჩვენს მატჩს ტელევიზიით უყურებდა, ვინც გერმანიაში იყო ჩვენთან ერთად... და გაბრაზების ბედნიერებად ქცევა მხოლოდ კარგ შედეგებს შეუძლიათ, სიტყვებს- არა. ვიცი, რომ ჩემი სიტყვები კარგად ვერ გაგრძნობინებთ თავს, მაგრამ ახლა სწორედ ეს უნდა გითხრათ: მხარდაჭერა, რომელსაც თქვენ გვაჩვენებთ, ამ კლუბს განსაკუთრებულს ხდის. თქვენ ხდით ამ კლუბს განსაკუთრებულს.

უკეთესი დღეები მოვა, დარწმუნებული ვარ ამაში და ორშაბათს უკეთესი სულიერი მდგომარეობით დავიწყებთ.

გმადლობ, რომ ჩვენ გვერდით ხართ.

გეხვევით, ხუანი.

მატას ბლოგი

7 კომენტარი

№1

ავტორი: RojoDiablo

14 დეკემბერი 2015 19:29

სიახლეები: 7071
კომენტარები: 8687

ლაპარაკი მართლა კარგად გეხერხებათ ყველას. ენად იქცევით ხოლმე და კაცს გულს მოულბობთ, მაგრამ ამჯერად მართალი ხარ, მატა. შედეგები სჭირდება ხალხს და არა ლაპარაკი.

და აქვე უცებ პოლიტიკა: "საქმის ნაცვლად ლაპარაკი ჩვენი მთავრობისაც გვეყოფა"

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№2

ავტორი: Martial

14 დეკემბერი 2015 20:07

სიახლეები: 54
კომენტარები: 468

როგორ ჩაიკარგა მატა. მერამდენე თამაშია არ ჩანს მოედანზე

№3

ავტორი: ვახო ( G G M U)

14 დეკემბერი 2015 21:43

სიახლეები: 0
კომენტარები: 4327

რავიცი ესეთი თამაშით რას უნდა ველოდოთ??? მე პირადად კარგს არაფერს ველი. ოთხეული, რომ დადონ ალბათ სასწაული იქნება, სასწაულიც და მაქსიმუმიც რაც არ უნდა სამწუხარო იყოს, მაგრამ სიმართლე ესაა და რა ვქნათ.

№4

ავტორი: Jorbe-Jorbe

14 დეკემბერი 2015 22:02

სიახლეები: 8
კომენტარები: 1279

ისევ მარცხნივ დადგე ჯობია მემგონი, იქ უფრო შედეგის მომტანი ხარ გუნდისთვის

№5

ავტორი: GeorgeBest

14 დეკემბერი 2015 23:16

სიახლეები: 1729
კომენტარები: 12134

ჩარლტონმაც ადრე დატოვა მოედანიო წინა თამაშსზე. აი მართლა მაგრად უნდა რცხვენოდეთ და ეს გამამხნევებელი სიტყვები თავისთვის დაიტოვონ

№6

ავტორი: Mufc7

15 დეკემბერი 2015 00:21

სიახლეები: 31
კომენტარები: 3018

ისეთი სიტყვებით წერს, გულს აგიჩუყებს მართლა... უკეთესი დღეები მოვა, რა თქმა უნდა, ეს ცუდი პერიოდიც გაივლის, მაგრამ თუკი მცდელობა არ იქნება, დიდხანს მოგვიწევს ასე გაჩერება, მე კი ვერ პროგრესს ვხედავ და ვერც სულისკვეთებას მოედანზე

_ _ _ _ _ _ _ _ _ _ _ _ _ _ _ _ _ _ _ _ Money can't make history, history makes only legend, legend is only love. Love is MANCHESTER UNITED!

№7

ავტორი: AkkRed

16 დეკემბერი 2015 12:45