"მანჩესტერ იუნაიტედი" გერმანიაში გამართული მატჩის წინ გასახდელი ოთახის ტემპერატურას უჩიოდა.

"იუნაიტედმა" "ფოლკსვაგენ არენაზე" ტემპერატურის დაწევა მოითხოვა, რადგან ლუი ვან გაალი და მისი შეგირდები თავს კომფორტულად ვერ გრძნობდნენ, როცა "ვოლფსბურგის" წინააღმდეგ გადამწყვეტი შეხვედრისთვის ემზადებოდნენ.

როგორც ცნობილია, გასახდელი ოთახის ტემპერატურა არ აღემატებოდა ჩვეულებრივ ტემპერატურას, რომელიც ბუნდესლიგის მატჩების დროს "ვოლფსბურგის" საშინაო სტადიონზე შეიმჩნევა, მაგრამ "იუნაიტედი" პირობებით უკმაყოფილო დარჩა.



ჩივილი ამით არ სრულდება.

"იუნაიტედმა" გერმანიაში ჩემპიონთა ლიგიდან გავარდნა მომდევნო დღეს მიზეზით გაამართლა.

გუნდი არ ცდილობს გაბრაზებულ გულშემატკივარს კიდევ უფრო მეტი საბაბი მისცეს, მაგრამ პრემიერ ლიგაზე განაწყენებულია, რადგან ფიქრობს, რომ ინგლისურ კლუბებს ევროპული მატჩების წინ საკმარის მხარდაჭერას არ უცხადებენ.

"იუნაიტედის" ხელმძღვანელობას მიაჩნია, რომ თითქმის შეუძლებელი იქნება მათი და სხვა ინგლისური კლუბებისთვის ევროპის ელიტარული ტურნირის მოგება, თუკი ისეთივე მხარდაჭერას არ იგრძნობენ, როგორსაც "რეალი", "ბარსელონა" და მიუნხენის "ბაიერნი" გრძნობენ.

"იუნაიტედი" იმაზე მიანიშნებს, რომ ზემოჩათვლილი გრანდები ჩემპიონთა ლიგის მატჩის შემდეგ ჩვეულებრივ საკუთარ ჩემპიონატში საშინაო მატჩებს ატარებენ, "იუნაიტედს" კი მიმდინარე სეზონში შუა კვირაში თამაშის შემდეგ გასვლაზე მოუხდა მატჩის ჩატარება "სუონსის", "საუთჰემპტონის", "არსენალის", "ლესტერისა" და "ბორნმუთის" წინააღმდეგ - ევროპაში ჩატარებული რვა მატჩიდან ხუთის შემდეგ "წითელი ეშმაკები" პრემიერ ლიგაზე გასვლით მატჩებს ატარებდნენ.

რაც გასაგებია, მაგრამ "იუნაიტედი" არ დაპირისპირებია "ბარსელონას", "რეალს" ან "ბაიერნს".



მისი მეტოქეები იყვნენ "ვოლფსბურგი", პსვ და ცსკა, რომელთაგან ვერცერთი გაუტოლდება ევროპის წამყვან სამ კლუბს.

"წითელი ეშმაკების" ჯგუფიდან გასვლისა მეოთხე წარუმატებელი მცდელობა ჭარბ სიცხესა და არათანადგომურ საშინაო პროგრამას ბრალდება.

უგოლო ფრეს პსვ-ს წინააღმდეგ გავლენა არ უქონია ოთხი დღის შემდეგ "უოტფორდთან" 2-1 მოპოვებულ გამარჯვებაზე ან 3 დღის შემდეგ "ლესტერთან" 1-1 მატჩზე. გასახდელი ოთახის თერმოსტატი არ ყოფილა ფაქტორი.

"იუნაიტედი" ჩაფლავდა იმის გამო, რომ ვან გაალმა და გუნდმა, რომელმაც 250 მლნ. ფუნტი დახარჯა ჰოლანდიელის ხელმძღვანელობისას, ვერ აჩვენა შედეგი მაშინ, როცა ეს ყველაზე საჭირო იყო.



გუნდმა ითამაშა რამდენიმე კარგი მატჩი ფრედ და ჰქონდა შესაძლებლობები, თუნდაც სამშაბათს ღამით, მაგრამ საკმარისად კარგი არ იყო.

ამის შემდეგ, დამარცხებული მოთამაშეები გვერდს უვლიან პრესას და არაფერს ამბობენ. სხვათაშორის, პირველად არ ხდება ასე.

"ვოლფსბურგთან" მატჩის შემდეგ "იუნაიტედი" სასტუმროშიც კი არ დაბრუნებულა, პირდაპირ სახლში გაფრინდა.

გუნდში არსებული განწყობის შესახებ საუბარი კი მარუან ფელაინის მიანდეს, რომელმაც კლუბის ტელევიზიას მისცა ინტერვიუ.



დიდმა ბელგიელმა კი აღნიშა, რომ ტურნირიდან გავარდნას შეუძლია გუნდის იმედებზე დიდი გავლენა იქონიოს, რადგან ხუთშაბათს ევროპის ლიგაზე თამაში პრემიერ ლიგის მატჩების განრიგის ცვლილებას გამოიწვევს.

"იუნაიტედი" გერმანიაში ძირითადი შემადგენლობის შვიდი ფეხბურთელის გარეშე ჩავიდა და ორი ტრავმირებულით დაბრუნდა.

კრის სმოლინგი და მატეო დარმიანი ოთხშაბათს ინგლისში დაბრუნების შემდეგ სკანირებაზე გაგზავნეს.

წყარო: dailymail