გუშინ ჩემპიონთა ლიგის ჯგუფური ეტაპის მატჩში "ვოლფსბურგი" "მანჩესტერ იუნაიტედს" მასპინძლობდა, ვან გაალის გუნდს მხოლოდ მოგება აძლევდა ხელს, ამიტომაც "წითელი ეშმაკები" პირველივე წუთებიდანვე შეტევაზე გადავიდნენ და აქტიურ პრესინგს მიმართავდნენ, რამაც შედეგი მალევე გამოიღო. მე-10 წუთზე მატას გადაცემით მარსიალმა ისარგებლა და სტუმრები დააწინაურა. მასპინძლებმა წონასწორობის აღდგენა ზუსტად 4 წუთში მოახერხეს ნალდოს გოლის წყალობით. 29-ე წუთზე დრაქსლერის ბრწყინვალე თამაშის შემდეგ გოლის გატანა ვიეირინიამ მოახერხა და "იუნაიტედი" გამოუვალ სიტუაციაში ჩააგდო. სტუმრებმა ანგარიშის გათანაბრება მოახერხეს ჯესი ლინგარდის დარტყმის წყალობით, თუმცა მსაჯმა თამაშგარე მდგომარეობა დააფიქსირა.

ვან გაალის გუდმა წონასწორობის აღდგენა 82-ე წუთზე მოახერხა. ფელაინის აქატიურობას გუილავოჯის ავტო გოლი მოჰყვა. "ვოლფსბურგმა" კვლავ მოახერხა დაწინაურება, ნალდომ თავური დარტყმით დუბლი შეასრულა და მატჩის საბოლოო ანგარიში დააფიქსირა, 3-2. ვან გაალის გუნდი ჩემპიონთა ლიგას გამოემშვიდობა.

ვოლფსბურგი 3-2 მანჩესტერ იუნაიტედი

სტადიონი: "ფოლკსვაგენ არენა", ვოლფსბურგი
მონაცემი: ჩემპიონთა ლიგა. ჯგუფური ეტაპი. მე-6 ტური
გოლები: 0:1 მარსიალი (10'), 1:1 ნალდო (14'), 2:1 ვიეირინია (29'), 2:2 გუილავოჯი (82', ს.კ), 3:2 ნალდო (84)
გაფრთხილება: შურლე (59'), ნალდო (72') - დარმიანი (17'), ვარელა (90')
მთავარი მსაჯი: მიროლად მაჟიჩი(სერბეთი)

შემადგენლობები

ვოლფსბურგი: ბენალიო, ტრეში, ნალდო, დანტე, როდრიგესი (შეფერი 16'), არნოლდი, გუილავოჯი, ვიეირინია (კლოზე 78'), კრუსე, დრაქსლერი (კალიჯიური 86'), შურლე

მანჩესტერ იუნაიტედი: დე ხეა, ვარელა, სმოლინგი, ბლინდი, დარმიანი (ბორტუიკ-ჯექსონი 43'), ფელაინი, შვაინშტაიგერი (კერიკი 69'), ლინგარდი, მატა (პაუელი 69'), მარსიალი, დეპაი