სერ ალექს ფერგიუსონმა "მანჩესტერ იუნაიტედის" ირგვლივ გავრცელებული ნეგატიური აზრები არ გაიზიარა და განაცხადა, რომ გუნდის ყურება სიამოვნებს.

"იუნაიტედმა" ბოლო 10 მატჩში მეშვიდედ ითამაშა ფრე - მათ შორის ხუთი მატჩი 0-0 დასრულდა - რის გამოც ლუი ვან გაალს სხვადასხვა ანალიტიკოსი და "იუნაიტედის" გულშემატკივრები აკრიტიკებენ.

"მანჩესტერ იუნაიტედის" ყურება დიდებულია. ფანტასტიკური საფეხბურთო კლუბია. ყოველთვის რომანტიულად ვიყავი განწყობილი.

ყოველთვის ხდება რაღაც. როცა ვმარცხდებოდით, ჩემს ფეხბურთელებს ვეუბნებოდი "გაზეთების პირველი გვერდით როგორ ისიამოვნეთ?" წააგებდი მატჩს და პირველივე გვერდზე ჩანდი. მოიგებდი მატჩს და ალბათ, ბოლო გვერდზე.

მღელვარების მიზეზი არასდროს მქონია - მხოლოდ მაშინ, როცა "მანჩესტერ სიტის" ან "ლივერპულს" ვეთამაშებით! სიამოვნებას ვიღებ. შედეგის გამო თავის მოკვლას აზრი არ აქვს. უნდა გჯეროდეთ იმის, რასაც აკეთებენ. არა უშავს, პრობლემა არ მაქვს", - განაცხადა სერ ალექსმა.

ფერგიუსონმა თავის წიგნში "ლიდერობა" აღნიშნა, რომ დევიდ მოიესი მეექვსე არჩევანი იყო მისი შემცვლელის პოსტზე, მანამდე კი პირველ ხუთ ადგილს პეპ გვარდიოლა, ჟოზე მოურინიო, კარლო ანჩელოტი, ვან გაალი და იურგენ კლოპი იკავებდნენ.

ოქტომბერში ფერგიუსონმა განაცხადა, რომ ღელავდა კლოპის "ლივერპულში" მისვლის ალბათობის გამო.

"ფანტასტიკური პიროვნებაა, თავისი თეთრი კბილებით, რომელსაც ყოველთვის აჩენს. მაშინაც კი, როცა "ნიუკასლთან" აგებდნენ და მეორე გოლი გაუშვეს, სტივ მაკლარენთან მივიდა და მიულოცა. ეს კლასია. ესეც და სამუშაოც, რომელიც "დორტმუნდში" გასწია".



"სამწვრთნელო სემინარებიდან ვიცნობ. ამ კლუბში თავისი პიროვნებით, მუხტითა და ცოდნით ცვლილებებს შეიტანს. იმას, რასაც იქ ელიან".

ფერგიუსონმა ასევე განაცხადა, რომ "იუნაიტედის" მწვრთნელის პოსტზე მუშაობისას დღეში ორჯერ უხდებოდა გამარჯვება.

"შაბათს ორჯერ უნდა გაიმარჯვო. უნდა მოიგო მატჩი და უნდა მოიგო პრესკონფერენცია. ზოგიერთი მწვრთნელი მარცხდება, რადგან გამოცდილება აკლიათ ან ემოციურები არიან.

თავის ხელში აყვანა უნდა შეგეძლოს. პრესკონფერენციამდე ხელ-პირს ვიბანდი. ხანდახან იძულებული ხარ, პრესკონფერენციაზე დაუყოვნებლივ შეხვიდე და სწრაფად უნდა იფიქრო, რათა თავი გაართვა. მნიშვნელოვანი ნაწილია.

შენს გულშემატკივარს შეტყობინება უნდა გაუგზავნო, რადგან ისინი გიყურებენ. მათ სურთ თავიანთი მწვრთნელი ნახონ პოზიტიური განწყობით და არა, როგორც დამარცხებული ადამიანი.

ხანდახან აღმოაჩენ მწვრთნელს, რომელიც გუნდის თამაშის რაობისა და წაგების მიზეზის შესახებ რამდენიმე რთული შეკითხვის შემდეგ მარცხდება.

როცა რთულ კითხვას მისვამდნენ, ვაფლს ვკბეჩდი, რათა დავრწმუნებულიყავი, რომ ჩემი ნაფიქრი სწორი იყო. პრესა მუჭაში უნდა მოიქციო. ეს მნიშვნელოვანი ნაწილია".

წყარო: M.E.N.