ჩემპიონთა ლიგის ჯგუფური ეტაპის მე-6 ტურის მატჩში მონაწილე გუნდებისთვის, "ვოლფსბურგისა" და "მანჩესტერ იუნაიტედისთვის" ამ მატჩში ბევრი რამ გადაწყდება. ორივე გუნდს აქვს პლეი-ოფში გასვლის შანსი და ამასთან ერთად პირველ ადგილზე გასვლის შანსიც.

B ჯგუფის ლიდერ "ვოლფსბურგს" მანამდე არასდროს გადაულახავს ჯგუფური ეტაპის ბარიერი, ფრე კი ასეთ შედეგს მისცემს.

"მანჩესტერ იუნაიტედი" მეორე ადგილზე იმყოფება და მორიგ მეტოქეს მხოლოდ ერთი ქულით ჩამორჩება, პლეი-ოფში გასვლის გარანტიისთვის კი მხოლოდ გამარჯვება სჭირდება. "იუნაიტედი" მომდევნო ეტაპზე იმ შემთხვევაშიც გავა, თუ პსვ-სა და ცსკა-ს შორის მატჩი მასპინძელთა მარცხით დასრულდება, ან ჯგუფის ორივე შეხვედრაში ფრე დაფიქსირდება.



ამ გუნდების ბოლო შეხვედრა "ვოლფსბურგის" მოედანზე ზუსტად 6 წლის წინ 2009 წელს შედგა და "იუნაიტედმა" მაშინ მაიკლ ოუენის ჰეთ-ტრიკის წყალობით 1-3 იმარჯვა. ედინ ჯეკომ 56-ე წუთზე "ვოლფსბურგის" შემადგენლობაში გაიტანა გოლი, თუმცა ეს გუნდს მესამე მარცხისგან თავის არიდებაში ვერ დაეხმარა, ხოლო "იუნაიტედმა", რომელიც იმ დროს უკვე გასული იყო ჯგუფიდან, პირველი ადგილი დაიკავა.

იმ შეხვედრაში გუნდების შემადგენლობა ასე გამოიყურებოდა:

ცსკა: ბენალიო, რიტერი, კოსტა, ბარზალი, შეფერი, ჟოზუე, ჰასებე (ზიანი 72), გენტნერი, მისიმოვიჩი, ჯეკო, გრაფიტე (დეჟაგა 73).

მანჩესტერ იუნაიტედი: კუშჩაკი, ფლეთჩერი, კერიკი, ევრა, სქოულზი, ანდერსონი, პარკი, გიბსონი, ნანი (ვალენსია 74), ოუენი, უელბეკი (ობერტანი 74).

უფრო ადრე "იუნაიტედმა" "ვოლფსბურგი" "ოლდ ტრაფორდზე" 2-1 დაამარცხა, როცა ჯეკოს მიერ 56-ე წუთზე გატანილ გოლს რაიან გიგზმა (59) და მაიკლ კერიკმა (78) უპასუხეს.

ფაქტები გუნდების შესახებ

"ვოლფსბურგი" ეცდება "მანჩესტერ იუნაიტედთან" სექტემბერში დამარცხების გამო რევანში აიღოს. სტუმრების მიერ მეოთხე წუთზე გატანილი გოლი ხუან მატას 11-მეტრიანისა და კრის სმოლინგის მიერ გატანილი გოლის წყალობით გერმანელებს გამარჯვებაში ვერ დაეხმარა.

დიტერ ჰეკინგის შეგირდები მოსკოვში ცსკა-ს წინააღმდეგ მოპოვებული გამარჯვების შემდეგ პირველ ადგილზე გადავიდნენ და ახლა საშინაო არენაზე ეცდებიან წაუგებელი სერიის გაგრძელებას, რამეთუ წინა ორ საშინაო მატჩში არც დამარცხებულან და არც გოლი გაუშვიათ.

დიეგო ბენალიო და მარსელ შეფერი ინგლისური გუნდის წინააღმდეგ ჩატარებულ მატჩში იღებდნენ მონაწილეობას, როცა 2008-09 წლების უეფა-ს თასის ჯგუფურ ეტაპზე "პორტსმუთს" სახლში 3-2 სძლიეს. მას შემდეგ "ვოლფსბურგი" პრემიერ ლიგის გუნდების წინააღმდეგ ჩატარებულ ბოლო 7 მატჩში მარცხდება.

"ვოლფსბურგის" ბოლო შეხვედრა ინგლისური გუნდის წინააღმდეგ გასულ სეზონში "ევერტონთან" 2-0 წაგებით დასრულდა.




"მანჩესტერ იუნაიტედმა" პსვ-სთან მატჩში ჯგუფიდან გასვლის შესაძლებლობა ხელიდან გაუშვა.

"ოლდ ტრაფორდის" მკვიდრმა გუნდმა ჩემპიონთა ლიგის ჯგუფური ეტაპიდან გასვლა ბოლოს 2011/12 წლების სეზონში ვერ მოახერხა, როცა "ბაზელთან" გასვლაზე მე-6 ტურში 2-1 დამარცხდა. 2011 წლის 7 დეკემბერს გამართულ იმ მატჩში დღევანდელი შემადგენლობიდან დავიდ დე ხეა, ფილ ჯონსი, კრის სმოლინგი, უეინ რუნი და ეშლი იანგი თამაშობდნენ.

პსვ-სთან დამარცხებისა და ცსკა-სთან ფრის შემდეგ "მანჩესტერ იუნაიტედი" გასვლაზე პირველი გამარჯვების მოპოვებას ეცდება. თუმცა საკვალიფიკაციო რაუნდში "ბრიუგე" 0-4 დაამარცხა.

"იუნაიტედის" მატჩების სტატისტიკა გერმანიაში ასეთია: 5 მოგება, 4 ფრე, 5 წაგება.

ჩემპიონთა ლიგის სამგზის გამარჯვებული გერმანიაში ბოლოს თამაშის შემდეგ ტურნირს გამოეთიშა, როცა მეოთხედფინალურ ეტაპზე "ბაიერნთან" 2013/14 წლების სეზონში 3-1 დამარცხდა. მაშინ მასპინძელთა შემადგენლობაში "ვოლფსბურგის" ამჟამინდელი მცველი დანტე თამაშობდა. იმავე სეზონში ცოტათი ადრე "იუნაიტედმა" გასვლაზე ლევერკუზენის "ბაიერი" 0-5 გაანადგურა და ჩემპიონთა ლიგის ჯგუფურ ეტაპზე ყველაზე დიდი ანგარიშით გაიმარჯვა.



"ბაიერნის" მწვრთნელის რანგში ლუი ვან გაალმა 2009-11 წლებში "ვოლფსბურგის" წინააღმდეგ ოთხი მატჩი ჩაატარა და სამი მათგანი მოიგო.

"ბარსელონას" მწვრთნელის რანგში 1998 წელს ლუი ვან გაალმა უეფას სუპერ თასი მოიგო დორტმუნდის "ბორუსიას" წინააღმდეგ ორი მატჩის ჯამში 3-1 გამარჯვებით.

ჰოლანდიელის მაჩვენებელი ევროთასებზე გერმანული კლუბების წინააღმდეგ ასეთია: 10 მოგება, 4 ფრე, 4 წაგება (7 მოგება, 11 ფრე, 0 წაგება "აიაქსთან" ერთად).

ფეხბურთელის რანგში ლუი ვან გაალი ევროთასებზე ბოლოს 1985-86 წლებში მონაწილეობდა. მაშინ უეფა-ს თასის პირველ რაუნდში მისმა როტერდამის "სპარტამ" ორი მატჩის ჯამში "ჰამბურგის" დამარცხება ვერ შეძლო (2-0 და 0-2) და ძლიერი მხოლოდ პენალტების სერიაში აღმოჩნდა 3-2. მეორე რაუნდში კი მიუნხენგლადბახის "ბორუსიას" წინააღმდეგ საერთო ჯამში 6-2 დამარცხდა (1-1 და 5-1).

დანტე "ბაიერნის" შემადგენლობაში თამაშობდა მეოთხედფინალურ საპასუხო შეხვედრა 2013/14 წლების სეზონში, როცა გერმანულმა კლუბმა 3-1 იმარჯვა.

დრაქსლერი "შალკეს" შემადგენლობაში ორჯერ დამარცხდა "მანჩესტერ იუნაიტედის" წინააღმდეგ 2010/11 წლების სეზონში - 0-2 და 1-4.

"ბაიერნის" ფეხბურთელის რანგში (2002-15) ბასტიან შვაინშტაიგერმა "ვოლფსბურგის" წინააღმდეგ 23 მატჩი ჩაატარა და მათში 6 გოლი გაიტანა (16 მოგება, 3 ფრე, 4 წაგება).

უეინ რუნიმ ინგლისის ნაკრებში თავისი რეკორდული 50-ე გოლი 2015 წლის 8 სექტემბერს გაიტანა შვეიცარიის ნაკრების წინააღმდეგ, რომელთა რიგებში "ვოლფსბურგის" ორი ფეხბურთელი, ტიმ კლოზე და როდრიგესი თამაშობენ.

ვიეირინია პორტუგალიის ნაკრების რიგებში მიმდინარე წელს ორჯერ დამარცხდა ერთნაირი ანგარიშებით 1-0 მატეო დარმიანის იტალიის ნაკრების წინააღმდეგ ივნისში და მორგან შნეიდერლინის საფრანგეთის ნაკრების წინააღმდეგ სექტემბერში.

სერხიო რომერო და მარკოს როხო არგენტინის ნაკრების რიგებში 2014 წლის მსოფლიო ჩემპიონატის ფინალში დამარცხდნენ გერმანიის ნაკრების წინააღმდეგ, რომლის რიგებში ანდრე შიურლე ასპარეზობს.

შიურლემ ორი მატჩი ჩაატარა "ოლდ ტრაფორდზე" "ჩელსის" ფეხბურთელის რანგში და ორივე მატჩი ფრედ დასრულდა.

"ვოლფსბურგის" ფორვარდმა, ნიკლას ბენდტნერმა "არსენალისა" და "სანდერლენდის" შემადგენლობაში 10 მატჩი ჩაატარა "იუნაიტედის" წინააღმდეგ და ვერც ერთხელ მოახერხა გოლის გატანა (1 მოგება, 1 ფრე, 8 წაგება). ამ კლუბების შემადგენლობაში კი არასდროს უმარჯვია "ოლდ ტრაფორდზე" (0 მოგება, 1 ფრე, 6 წაგება).

შვაინშტაიგერი და დანტე ერთად თამაშობდნენ "ბაიერნში" (2012/15).

შვაინშტაიგერი და შიურლე გერმანიის ნაკრებში პარტნიორები არიან.

მარსიალი, შნეიდერლინი და გილიავოგი ერთად წარმოადგენენ საფრანგეთის ნაკრებს.

ბლინდი, დეპაი და ბასტ დოსტი ჰოლანდიის ნაკრების რიგებში თამაშობენ ერთად

გუნდების უკანაკსნელი შედეგები თავიანთი ქვეყნების ჩემპიონატებში:

05.12.2015."ვოლფსბურგი" 1-2 "ბორუსია დორტმუნდი" (როდრიგესი 90'', - როისი 32', კაგავა 90).

"ვოლფსბურგი": ბენალიო, ვიეირინია, ნალდო, კლოზე, როდრიგესი, კალიჯური (ტრეში 57), გილავოგი (დოსტი 46), არნოლდი, დრაქსლერი, შიურლე, კრუზე.

მდგომარეობა ჩემპიონატში: მე-5 ადგილი, 25 ქულა.

05.12.2015. "მანჩესტერ იუნაიტედი" 0-0 "ვესტ ჰემი"

მანჩესტერ იუნაიტედი: დე ხეა, მაკნეირი (ვარელა 46), სმოლინგი, დარმიანი, ბლინდი, შნეიდერლინი (კერიკი 44), შვაინშტაიგერი (დეპაი 73), ფელაინი, მატა, ლინგარდი, მარსიალი.

მდგომარეობა ჩემპიონატში: მე-4 ადგილი, 29 ქულა.

გუნდების სტატისტიკა ტურნირზე