"მანჩესტერ იუნაიტედის" მთავარი მწვრთნელი ლუი ვან გაალი ზამთრის სატრანსფერო ფანჯარაზე რამდენიმე ფეხბურთელის შეძენას აპირებს, თუმცა აცნობიერებს, რომ რთული იქნება.

ვან გაალის გუნდში ამჟამად მრავალი ტრავმირებული ფეხბურთელია, რომელთაგან რამდენიმე ტრავმა გრძელვადიანია.

უეინ რუნი და მარკოს როხო მიმდინარე კვირას ლაზარეთში ანდერ ერერას, ფილ ჯონსსა და დიდი ხნის ტრავმირებულ ანტონიო ვალენსიასა და ლუკ შოუს შეუერთდნენ.

როცა ვან გაალს ჰკითხეს, აპირებდა თუ არა იანვარში ფეხბურთელების შეძენას, ლუიმ უპასუხა: "პრობლემა ის არის, რომ ჩვენი ტრავმები ყოველთვის კონტაქტური ტრავმებია და ამას თავს ვერ აარიდებ, რადგან ფეხბურთი არის კონტაქტური სპორტი.

შოუს პირდაპირი ტრავმა აქვს, როხოსაც და რუნისაც ასევე. ბევრი გრძელვადიანი ტრავმა გვაქვს, რაც ჩვენი პრობლემაა.

ვაპირებთ შეძენას, მაგრამ როგორც იცით, ადვილი არ არის ფეხბურთელების შეძენა, იანვარში კი უფრო რთულია. ვაპირებთ, მაგრამ გარანტირებული არაფერია".

წყარო: manutd.com