ლუი ვან გაალმა "მანჩესტერ იუნაიტედის" ოფიციალურ ტელევიზიას განუცხადა, რომ უეინ რუნი და მარკოს როხო ტრავმის გამო "ვესტ ჰემთან" მატჩში მონაწილეობას ვერ მიიღებენ.

რუნიმ მუხლის ტრავმა "ლესტერთან" მატჩში მიიღო და "ჩაქუჩებთან" ხელმიუწვდომელი იქნება. ეს ნიშნავს, რომ უეინ რუნი "წითლების" შემადგენლობაში ჩასატარებ მე-500 მატჩს უნდა დაელოდოს.

ვან გაალმა ასევე დაადასტურა, რომ როხომ ოთხშაბათს ვარჯიშზე მხარი ამოიგდო და დიდი ხნით იუქმებს, თუმცა ვადა უცნობია.

"მედიაში უკვე გავრცელდა - როხო ტრავმირებულია. ის მხარი დაიშავა, რომელიც გასულ წელს, ამჯერად სავარჯიშო სესიაზე. ძალიან სამწუხაროა, რომ ლუკ შოუს პოზიციაზე ამდენი პრობლემა მაქვს.

უეინ რუნის ტრავმაც უფრო მძიმეა, ვიდრე გვეგონა, ვერც ერთი მათგანი ვერ მოახერხებს თამაშს. ვფიქრობ, ასე იქნება. ჯესი ლინგარდი ბრუნდება, რაც კარგი ამბავია. ფილ ჯონსი ტრავმირებულია, ასე რომ, ექვსი ტრავმა გვაქვს".

რუნის შესახებ კითხვის დასმის შემდეგ ვან გაალმა განაცხადა: "რთული ტრავმაა. უფრო უარესდებოდა, მაგრამ ვარჯიშის ნება უნდა მიგვეცა, რათა მისი მუხლი გაძლიერებულიყო, ეს ძალიან მნიშვნელოვანია. ვერ გეტყვით, რამდენ ხანს იუქმებს, რადგან ექიმმა უნდა გადაწყვიტოს რუნის შემთხვევაშიც. გამოჯანმრთელების პროცესში კარგად ვარჯიშობს".

მწვრთნელმა მოგვიანებით აღნიშნა, რომ უეინ რუნი ვერც "ვოლფსბურგთან" მატჩში მიიღებს მონაწილეობას.

ანდერ ერერა კვლავ ტრავმირებულია და "ვესტ ჰემთან" ვერ ითამაშებს. ასევე ანტონიო ვალენსია, რომელმაც ოპერაცია გაიკეთა.

ლუკ შოუსა და როხოს ტრავმის ფონზე "იუნაიტედი" მარცხენა მცველის გარეშე რჩება. მწვრთნელს ჰკითხეს, სამი მცველით ითამაშებდა თუ არა, რაზეც უპასუხა: "ეს მოწინააღმდეგეზეა დამოკიდებული. მოთამაშეებზეც, შედარება მომიწევს".