პოლ ინსს მიაჩნია, რომ "მანჩესტერ იუნაიტედის" ნახევარმცველებმა ანდერ ერერამ და მარუან ფელაინიმ კლუბი უნდა დატოვონ, რადგან "იუნაიტედის" სტილს არ შეესაბამებიან.

ერერა, რომელმაც პსვ-სა და "ლესტერის" წინააღმდეგ ჩატარებული მატჩები ტრავმის გამო გამოტოვა, გულშემატკივართა ფავორიტი ფეხბურთელია, მაგრამ ლუი ვან გაალის გუნდში თავის დამკვიდრებას ვერ ახერხებს, ხოლო ფელაინიმ მიმდინარე სეზონის მხოლოდ ორი მატჩი დაიწყო სასტარტო შემადგენლობაში და მათგან მხოლოდ ერთი იყო პრემიერ ლიგის შეხვედრა.

"როცა ერერა შეიძინეს, ვიფიქრე, რომ ბევრი ფული გადაიხადეს და როცა პირველად ვნახე, ძალიან სუსტი იყო, განსაკუთრებით პრემიერ ლიგისთვის.

ესპანეთში მინახავს მისი თამაში და ესპანურ თამაშს შეეფერება, მაგრამ, არა მგონია, პრემიერ ლიგის შესაფერისი იყოს. როცა თამაშობს, წინ იწევს და გოლებსაც იტანს, მაგრამ ვან გაალს სკამზე ძლიერი ფეხბურთელები უზის რაც თავის დამკვიდრებაში უშლის ხელს.

არ ვარ დარწმუნებული, რომ ვან გაალის გუნდში რეგულარულ სათამაშო პრაქტიკას მიიღებს, თუმცა ძალიან კარგი ფეხბურთელია, უბრალოდ ესპანეთს უფრო შეეფერება".

ინსი, რომელმაც პრემიერ ლიგისა და ასოციაციის თასის ორ-ორი ტიტული, ლიგის თასისა და ევროპის თასების მფლობელთა თასი "ოლდ ტრაფორდზე" გატარებული ექვსი წლის განმავლობაში მოიგო, ასევე მიიჩნევს, რომ ფელაინიც მისთვის შეუსაბამო კლუბში იმყოფება.

"ფელაინის ბოდიშს ვუხდი, მაგრამ მისი ფასი ძალიან გადაჭარბებული იყო. "ევერტონში" დევიდ მოიესოს ხელმძღვანელობის ქვეშ 10 ნორმად თამაშობდა, მაგრამ კონკრეტულ გუნდებში კონკრეტული მწვრთნელების ხელმძღვანელობის ქვეშ კონკრეტული ფეხბურთელები ერგებიან სტილს.

ფელაინი ძალიან ჭკვიანი ფეხბურთელია, მაგრამ შეცდომით იმყოფება ამ კლუბში. ასეთი შესაძლებლობების მქონე ფეხბურთელისთვის ყოველ მატჩში ბოლო ათ წუთში შეცვლაზე შესვლა მხოლოდ გრძელი გადაცემებისთვის... ვფიქრობ, ამაზე უკეთესია და შანსს იმსახურებს. "იუნაიტედისთვისაც" სამწუხარო ამბავია, რომ შანსებს ვერ ქმნიან და იძულებულნი არიან ფელაინის საჯარიმოში ჩაუწოდონ.

იანვარი მოდის და მან უნდა გადაწყვიტოს, რადგან ყველას სურს რეგულარული სათამაშო დრო, ის კი ზედმეტად კარგია სკამზე ჯდომისთვის".

წყარო: M.E.N.