3-12-2015, 21:55

ავტორი: RojoDiablo,

ნანახია: 2892,

კომენტარები: 7

როხოს მხრის ტრავმა აქვს

მარკოს როხო გუნდს დიდი ხნით ვერ დაეხმარება.

"მანჩესტერ იუნაიტედის" მცველმა მარკოს როხომ ვარჯიშზე მხარი ამოიგდო და ამის გამო რამდენიმე კვირას გამოტოვებს.

ბოლო კვირების განმავლობაში სწორედ 25 წლის არგენტინელი ცვლიდა ტრავმირებულ ლუკ შოუს, თუმცა პრემიერ ლიგის გასულ მატჩში, რომელიც "იუნაიტედმა" "ლესტერის" წინააღმდეგ ჩაატარა, როხოს მონაწილეობა არ მიუღია.

ლუი ვან გაალმა "ქინგ პაუერ სტედიუმზე" მარცხენა მცველად ათამაშა დეილი ბლინდი, რომელიც მიმდინარე სეზონს ცენტრალური მცველის პოზიციაზე ატარებს.

მარკოს როხოს შესაძლოა, ტრავმის რეციდივიც აღმოაჩნდეს, რადგან მან სწორედ ის მხარი დაიზიანა, რომელიც გასულ წელს "მანჩესტერ სიტისთან" მატჩში. აღნიშნული ტრავმის შემდეგ მაშინ როხო ოპერაციას გადაურჩა, თუმცა ერთი თვის განმავლობაში ვერ ახერხებდა თამაშს.

როგორც მოსალოდნელია, ხვალ ვან გაალი პრესკონფერენციაზე დეტალურად ისაუბრებს ვარჯიშზე მომხდარი ფაქტის შესახებ და განაცხადებს, დასჭირდება თუ არა არგენტინელს ოპერაცია.

წყარო: mirror

ახალი ამბები

7 კომენტარი