2-12-2015, 08:44

ავტორი: RojoDiablo,

ნანახია: 2966,

კომენტარები: 6

პოლ პარკერის ვარაუდი

"იუნაიტედის" ყოფილი მცველი თავის აზრს გამოთქვამს.

"მანჩესტერ იუნაიტედის" ყოფილი მცველი პოლ პარკერი ფიქრობს, რომ ლუი ვან გაალის ხელმძღვანელობის ქვეშ ენტონი მარსიალი და მემფის დეპაი თავს ცუდად გრძნობენ.

პარკერმა Eurosport-ს განუცხადა:

"სერ ალექს ფერგიუსონმა იცოდა, როგორ უნდა ეხელმძღვანელა ფეხბურთელებისთვის. როგორც კი მისი გუნდი იცვლებოდა, მმართველობის სტილს თვითონაც ცვლიდა.

ასე იქცეოდა და სწორედ ამიტომ მოიგო მისმა "მანჩესტერ იუნაიტედმა" 2013 წელს პრემიერ ლიგა. იღებდა თუ არა სიამოვნებას ამისგან? არა. მაგრამ მაინც აღწევდა.

როცა ლუი ვან გაალი მოვიდა, ვიფიქრე, რომ ისიც მოერგებოდა. მაგრამ ახლა გვაქვს სიტუაცია, რომელშიც იმყოფება მრავალი ფორმიდან ამოვარდნილი ფეხბურთელი და კითხვა გვიჩნდება, თუ რატომ თამაშობენ ასე ცუდად.

ვუყურებ მარსიალს და მის გამო ვღელავ. ის ჰგავს ბიჭს, რომელიც აღარ იცინის. არა მგონია, საკუთარი თამაშისგან სიამოვნებას იღებდეს.

ფორმა, რომელსაც დეპაი აჩვენებს, მხოლოდ იმის შედეგი არ არის, რომ პრემიერ ლიგაში თამაშობს. ეს ბიჭი თავს გარიყულად გრძნობს. იგი იმყოფება ქვეყანაში, რომელიც ოდნავ განსხვავდება ქვეყნისგან, საიდანაც ის არის, მაგრამ მაინც მილიონი მილით დაშორებულია.

ვან გაალი ფეხბურთელებში ღმერთივით შიშს თესავს.

ეს მისი სტილია. გუნდს ეგოისტურად ხელმძღვანელობს. ეს კი არავის მოსწონს. შესაძლოა, წარმატებული მწვრთნელია, მაგრამ უნდა ისწავლოს - თუნდაც მის ასაკში - როგორ გახდეს კარგი მწვრთნელი".

"ამჟამად უნდა ვთქვათ, რომ ამ გუნდს ვან გაალი არ უნდა წვრთნიდეს. მის განკარგულებაში მყოფი თითოეული ფეხბურთელი კარგი მოთამაშეა და ყოველთვის ცუდ ფეხბურთს არ თამაშობდნენ.

ვან გაალი საშინლად მკაცრია. ნებისმიერი ფეხბურთელი, რომელიც მის სურვილს არ ესადაგება, მოწყვეტილია. ის ეძებს მოთამაშეს, რომელმაც შეცდომა დაუშვა და შემდეგ მატჩში არ ათამაშებს".

წყარო: M.E.N.

ინტერვიუები

6 კომენტარი

№1

ავტორი: RojoDiablo

2 დეკემბერი 2015 08:46

სიახლეები: 7071
კომენტარები: 8687

მოკლედ, ძალიან დიდი კრიტიკა ხვდება ვან გაალს და სამწუხარო ის არის, რომ ამას შედეგი არ მოსდევს. დარწმუნებული ვარ, ეს სიტყვები მისთვის სულერთია და არავის უსმენს, რადგან კლუბის მხარდაჭერა აქვს. მაინც ისე იმოქმედებს, როგორც უნდა, რადგან სჯერა, რომ ეს სწორი გზაა და თუ ადამიანს რამის სჯერა, ძნელია გადაარწმუნო, მით უმეტეს კრიტიკით.

ერთია, მოტივაცია მოემატება საპირისპიროს დამტკიცებისთვის.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№2

ავტორი: ვახო ( G G M U)

2 დეკემბერი 2015 10:14

სიახლეები: 0
კომენტარები: 4327

ის რომ ვან გაალი მკაცრი მწვრთნელია მაგას დიდი გამოცნობა არ უნდა, მაგრამ როცა მემფისი ბრიუგესთან და იგივე პსვ-თან გოლებს იტანდა მაშინ არ იყო მკაცრი მწვრთნელი??? როცა მარსიალი ლივერპულთან დიდებულად შემოვიდა და მერე გოლებს გოლები მიუმატა არც მაშინ იყო ვან გაალი მკაცრი მწვრთნელი??? ვერავინ ვერ დამაჯერებს იმას, რომ მემფისის და მარსიალის ფორმიდან ამოვარდნა ვან გაალის ბრალია. ვან გაალმა დასვა და ესე უთხრა რო ფორმიდან ამოვარდითო, თუ რას ამბობს ეს კაცი მაინც ვერ მივხვდი. რატო გრძნობს ვითომ მემფისი თავს გარიყულად არ მესმის. ის რომ სათადარიგო სკამზე ზის არ ნიშნავს იმას, რომ გუნდიდან გარიყულია areyoukiddingme

№3

ავტორი: AkkRed

2 დეკემბერი 2015 10:30

სიახლეები: 74
კომენტარები: 4669

კაცი მართალია ვერაფერში გაამტყუნებ

№4

ავტორი: chudikone

2 დეკემბერი 2015 10:43

სიახლეები: 385
კომენტარები: 3206

როგორც მოხვედი ისე წადი რა derpwhy

_ _ _ _ _ _ _ _ _ _ _ _ _ _ _ _ _ _ _ _

I saw my mate The other day, He said to me I’ve seen the white Pele
So I asked who is he, He goes by the name of Wayne Rooney.
Wayne Rooney
Wayne Rooney
He goes by the name of
Wayne Rooney!

№5

ავტორი: GeorgeBest

2 დეკემბერი 2015 12:50

სიახლეები: 1729
კომენტარები: 12134

მემფისი თავიდან რო მოვიდა უფრო მეტი თავისუფლება ჰქონდა, შოუც უფრო საიმედო იყო დაცვასი ვიდრე როხო ან ბლინდი. კარგად დაიწყო მემფისმა ასე თუ ისე მაგრამ ეხლა იანგიც მირჩევნია ისე თამაშობს. მარსიალიც იგივენაირადაა, უმაგრესი სტარტი მაგრამ ბოლო თამაშებში ეგეც ვან გაალის სტილს დაუბრუნდა, მომენტს არავინ უქმნის და მარტო ეგ ვერ მოატყუებს 10 კაცს, პოტენციალი ორივეს დიდი აქვს მარა ესე ვერც ერთი ვერ განვითარდება

ყველაფერ ვან გაალს ბრალდება და უფრო მარტივი იქნება ყველაფერი მაგის ბრალი რომ იყოს, წავა და დავისვენებთ wink

№6

ავტორი: JuanMata

2 დეკემბერი 2015 16:28

სიახლეები: 16
კომენტარები: 2093

ვახო ( G G M U)

მაშინ ახალი მოსული იყო ორივე. მარსიალის პირველი თამაში იყო. მაგის მერეც კარგად ითამაშა ერთი-ორი თამაში და ახლა დადის მოედანზე.

რომელმა ფეხბურთელმა დაიწყო იუნაიტედში ცუდად?
რა ყველა ერთად ამოვარდა ფორმიდან.

საკმარისია რამდენიმე თვე ვან გაალის ხელში გაატარონ და კვდებიან.