დღეს ღამით "ლესტერ სიტი" "მანჩესტერ იუნაიტედს" დაუპირისპირდება და პრემიერ ლიგის ყველაზე თვალსაჩინო ფეხბურთელ ჯეიმი ვარდის კრის სმოლინგთან დაპირისპირება მოუხდება.

ვარდი მატჩს პრემიერ ლიგაში ზედიზედ 10 შეხვედრაში გატანილი გოლით ხვდება, რითაც რუდ ვან ნისტელროის რეკორდი გაიმეორა. თუ შაბათს გოლს გაიტანს, რეკორდის ერთპიროვნული მფლობელი გახდება.

ვარდის ამჟამინდელი ფორმა მიღებულ ქება-დიდებას იმსახურებს. მან ოთხი გოლით მეტი გაიტანა, ვიდრე პრემიერ ლიგის ნებისმიერმა სხვა ფეხბურთელმა, რაც შეეხება სხვა ჩემპიონატებს, მას მხოლოდ დორტმუნდის "ბორუსიას" ფორვარდი პიერ-ემერიკ ობამეიანგი (15 გოლი) და "ბაიერნის" ფეხბურთელი რობერტ ლევანდოვსკი (14 გოლი) უსწრებენ.

ვარდის თამაშის მთავარი ფაქტორი სისწრაფეა. მიმდინარე სეზონში ის ოფიციალურად გამოცხადდა პრემიერ ლიგის უსწრაფეს ფეხბურთელად, რაც ნებისმიერ მცველთან დაპირისპირებაში უქმნის უპირატესობას.

ვარდი ტურნირის ყველაზე სწრაფი 17 ფეხბურთელისგან შემდგარ სიას ლიდერობს, სადაც მისი ხუთი თანაგუნდელიც შედის.



ასე რომ, არაფერია გასაკვირი იმაში, რომ მიმდინარე სეზონში "ლესტერის" სწრაფი კონტრშეტევები ასეთი ეფექტურია. მათ მოწინააღმდეგის კარში სხვებზე მეტჯერ დაარტყეს და ყველაზე მეტი გოლი გაიტანეს კონტრშეტევებით. ბევრ მათგანში ვარდიმ მიიღო მონაწილეობა (კარში დარტყმული რვა გოლიდან ორი გოლი).

პრემიერ ლიგის კლუბების მიერ კონტრშეტევაზე გატანილი გოლები

გუნდს ბევრი კონტრშეტევის წარმოება მოწინააღმდეგის საჯარიმო მოედანში პოზიციის მოგებით გამოსდის. და ეს ხდება უფრო ხშირად, ვიდრე სხვა გუნდების შემთხვევაში. ვარდის სისწრაფე და უშრეტი ენერგია აქაც უდიდეს როლს თამაშობს. ვარდის ცამეტი გოლიდან მხოლოდ ხუთი გავიდა ერთი მწვავე პასის გარეშე, რაც ბევრ სწრაფ შეტევას მოულოდნელობის ეფექტს სძენს.

სუპერსწრაფ ვარდისთან გამკალვებას ინგლისის ნაკრებში მისი თანაგუნდელი კრის სმოლინგი შეეცდება, რომლესაც ბევრი "მანჩესტერ იუნაიტედის" ფუძეს უწოდებს.

"მეიდსტონის" ყოფილი ფეხბურთელი თავდამსხმელების ყველაზე სერიოზული მოწინააღმდეგეა. პრემიერ ლიგის ფეხბურთელებს შორის მან ყველაზე მეტი წართმევა განახორციელა. ის ასევე არის თითქმის ერთადერთი ფეხბურთელი, რომელიც მუდმივად თამაშობს დაცვის ხაზში.

"მანჩესტერ იუნაიტედმა" ყველაზე ნაკლები გოლი გაუშვა

ინდივიდუალურად სმოლინგი მიმდინარე სეზონში ერთ-ერთი ყველაზე აქტიური მცველია. მხოლოდ ხუთმა ფეხბურთელმა განახორციელა უფრო მეტი წართმევა, ჯარიმა, ამოტანა, წარმატებული დაპირისპირება და ბლოკირება, ვიდრე მან. თუმცა მოთამაშის დონის განსაზღვრა სტატისტიკურ მონაცემებზე დაყრდნობით არ შეიძლება, რადგან რაოდენობა ყოველთვის არ ნიშნავს ხარისხს. მაღალი კლასის მცველმა თავისი მოქმედებებით დაცვაში "მშრალი" მატჩებიც უნდა განაპირობოს.

როგორც ვარდის წინააღმდეგ მოქმედ ნებისმიერ სხვა მცველს, არც სმოლინგს აქვს სისწრაფე, რომელიც ინგლისელ მცველს გარკვეულ პრობლემებს შეუქმნიდა. სწორედ ინგლისელის მოქმედების ზონაში შეეცდება ვარდი ნაკლოვანების პოვნას. თუმცა "იუნაიტედი" მიმდინარე სეზონში იმით არის ცნობილი, რომ მეტოქეს საჯარიმოდან მაქსიმალურად შორს იჭერს. ეს კი სმოლინგში ოპტიმიზმს ჩანერგავს.

"ნიუკასლის" წინააღმდეგ ვარდის სითბური რუკა აჩვენებს, რომ "ლესტერი" მას მოედნის ბოლო მესამედის ნებისმიერ მონაკვეთზე იყენებს.



თავისი ცამეტივე გოლი საჯარიმო მოედნის გარედან გაიტანა, სადაც მას ამჯერად სმოლინგისა და კომპანიის სახით სერიოზულ მეტოქესთან დაპირისპირება მოუხდება.

"იუნაიტედის" მცველი გაცილებით რთული მეტოქეა, ვიდრე ისინი, რომელსაც "ლესტერი" ბოლო დროს უპირისპირდებოდა. გასული 10 მოწინააღმდეგიდან მხოლოდ 1 იმყოფება ტოპ-შვიდეულში.

ფორვარდი ეცდება ყველაფერი გააკეთოს იმისთვის, რომ რეკორდის ერთპიროვნული მფლობელი გახდეს. მის მხარდაჭერას კი საშინაო ტრიბუნები ეცდებიან. მაგრამ ძლიერ ოპონენტებთან დაპირისპირება, რომელსაც პრემიერ ლიგის ერთ-ერთი საუკეთესო მცველი ლიდერობს, ვარდისთვის ურთულესი გამოცდა იქნება.