ლუი ვან გაალი აღნიშნავს, რომ ჯეიმს უილსონის განათხოვრებისას ხანგრძლივვადიანი პერსპექტივით მსჯელობდა და სწორედ ამის გამო გაუშვა 19 წლის უილსონი იჯარის წესით "ბრაიტონში".

უილსონმა მხოლოდ ორი მატჩი ჩაატარა მიმდინარე სეზონში პირველი გუნდის რიგებში, როცა პრემიერ ლიგასა და ლიგის თასზე ითამაშა. ბოლოს კი ახალგაზრდა ინგლისელი სეზონის ბოლომდე "ბრაიტონში" გაანათხოვრეს.

ვან გაალს პრესკონფერენციაზე სთხოვეს აეხსნა, თუ რა ჩანაფიქრი ჰქონდა უილსონის განათხოვრებისას, მან კი უპასუხა:

"დღემდე ამას ხელს არ ვუწყობდი. პრემიერ ლიგაში რამდენიმე წუთი ითამაშა, რამდენიმეც ლიგის თასზე და ყოველთვის ვერ ხვდებოდა გუნდის 18-კაციან განაცხადში. მისი ასაკის მოთამაშეებს თამაში სჭირდებათ და წარმომიდგენია ახლა რას ამბობენ გულშემატკივრები: "გოლის გატანის პრობლემა აქვთ და აბსურდულად იქცევიან", მაგრამ ეს გრძელვადიანი გათვლაა.

ჩვენ უნდა ვიფიქროთ, რა არის უკეთესი უილსონის მსგავსი ფეხბურთელებისთვის და მას ახლა მაღალ დონეზე თამაშის საშუალება არ ეძლევა. მისი გვჯერა, ასე რომ, სადმე უნდა განვითარდეს. თუ დაგვჭირდება, დავაბრუნებთ", - განაცხადა ვან გაალმა.

წყარო: manutd.com