შემადგენლობები

"მანჩესტერ იუნაიტედმა" თავისთვის სტანდარტული სქემით, მაგრამ არასტანდარტული შემადგენლობით ითამაშა: შოუსა და ვალენსიას გარდა, რომელთა მოედანზე დაბრუნება 2016 წლისთვის იგეგმება, ლაზარეთი კერიკმა, ჯონსმა და ერერამ შეავსეს. ესპანელის ტრავმამ ვან გაალი აიძულა რუნი გადაეყვანა "ათიანის" პოზიციაზე, ცენტრალური თავდამსხმელის პოზიცია მარსიალმა დაიკავა, ფლანგებზე კი მემფისმა და ლინგარდა ითამაშეს. დაცვის მარჯვენა ფლანგზე კვლავ დარმიანი გამოჩნდა.

ჰოლანდიური გუნდის მნიშვნელოვანი დანაკარგებიდან იეტრო ვილემსის გამოყოფა ღირს - მარცხენა მცველის, რომელმაც 2014/15 წლების სეზონში 16 საგოლე გადაცემა გააკეთა. ფეხბურთელმა მუხლი ჯერ კიდევ ზაფხულში დაიზიანა, მისი დაბრუნება კი დეკემბრისთვის იგეგმება. პსვ-ს შემადგენლობა ოპტიმალურთან მიახლოებული იყო, მოედანზე გამოვიდა ყველა, ვინც ჩემპიონთა ლიგაზე თამაშობს.

მარჯვენა ინსაიდის პოზიციაზე პსვ-ს შემადგნელობაში თავიდან ნარსინგი თამაშობდა, მაგრამ მე-14 წუთზე ტრავმა მიიღო და შეცვალეს.

მატჩის მიმდინარეობა

"მანჩესტერ იუნაიტედმა" თავისთვის ჩვეულ მანერაში დაიწყო - ბურთის კონტროლი, გადაცემათა დიდი რაოდენობა, არავითარი რისკი. სხვათაშორის, შნეიდერლინი, რომლის საშუალებითაც აწარმოებდნენ შეტევებს "ეშმაკები", ხანდახან მემფისს, როხოსა და ლინგარდს გრძელ გადაცემებს აწვდიდა. პსვ თავს მოწინააღმდეგის ცენტრალურ ხაზში შეხვედრით იცავდა და წარუმატებლად ეძებდა თავის შანსს კონტრშეტევებზე. "იუნაიტედმა" რამდენიმე სახიფათო მომენტი შექმნა, მეტწილად მარსიალის ინდივიდუალური მოქმედებების ხარჯზე, მაგრამ სტუმართა დაცვა, რომელსაც მორენო მეთაურობდა, გაუმკლავდა.

მეორე ტაიმში ჰოლანდიურმა გუნდმა აქტიურობას უმატა, თამაში თავისი კარიდან გადაიტანა და დე ხეა რამდენიმეჯერ შეაწუხა, მაგრამ ესპანელი გაუმკლავდა. მანჩესტერელებმა რამდენიმე სახიფათო შეტევა აწარმოეს, მაგრამ დასრულებით ფაზაში სიზუსტე და იღბალი ღალატობდათ. უნდა ითქვას, რომ ვან გაალის ცვლილებებმა არ გაამართლა: ფელაინიმ, რომელმაც შვაინშტაიგერი შეცვალა, რამდენიმე საჰაერო ორთაბრძოლა მოიგო, მაგრამ ამას ხიფათი არ მოჰყოლია, მატა, რომელმაც დარმიანი შეცვალა, ხუთ წუთში თითქმის არ შეხებია ბურთს და მხოლოდ იანგმა, რომელმაც მემფისი შეცვალა, ლინგარდს პოტენციური საგოლე გადაცემა მიაწოდა, რომელიც ჰგავდა პასს, რომელიც თავად ჯესიმ გააკეთა ცსკა-სთან მატჩში. მატჩის მიწურულს "მანჩესტერ იუნაიტედმა" თამაში გაადვილა: რუნი საყრდენ ზონაში გადავიდა, ფელაინი შეტევაში მარსიალთან ჩავიდა, მაგრამ ლინგარდის, მატასა და იანგისგან ჩაწოდებულ პასებს თითქმის ვერ იღებდა.

ცალკე აღვნიშნოთ მასპინძელთა კუთხურები. ჩაწოდების წინ "იუნაიტედის" ფეხბურთელები ვერტიკალურად ლაგდებოდნენ, შემდეგ კი ყველა მიმართულებით იფანტებოდნენ - კუთხურის უჩვეულო გათამაშება, რომელსაც მხოლოდ ერთხელ მოჰყვა სახიფათო მომენტი, როცა შნეიდერლინმა თავით დაარტყა. აი როგორ გამოიყურებოდა:







დაცვა

სმოლინგმა კარგი მატჩი ჩაატარა, დაცვაში საიმედოდ ითამაშა და შეტევაში პერიოდულად ერთვებოდა. ბლინდი ოდნავ ცუდად თამაშობდა იმ მხრივ, რომ შეტევაში ჩართვისას რამდენიმეჯერ პოზიციურად შეცდა, მაგრამ მატჩი ჰოლანდიელს აქტივში ეწერება.





ფლანგის მცველებთან მიმართებაში ყველაფერი ნაკლებად ოპტიმისტურია: თუკი როხო თავს ართმევდა მისდამი წამოყენებულ მოთხოვნილებებს "ოღონდ უარესი არ გააკეთოს" რიგებიდან, დარმიანი "მანჩესტერ იუნაიტედის" სუსტი რგოლი აღმოჩნდა. იტალიელი პოზიციის შერჩევას თავს ართმევდა, მაგრამ შეტევის მხარდაჭერაში და ლოკადიასა და პსვ-ს სხვა ფეხბურთელებთან დუელში სუსტი იყო, ლინგარდს მისი დაზღვევა უხდებოდა:





სამწუხაროდ, ვალენსიაზე უკეთესი ვარიანტი, რომლის დაბრუნებას მხოლოდ თებერვალში უნდა ველოდეთ, "იუნაიტედს" მარჯვენა ფლანგზე არ აქვს.

არ შეიძლება დაცვაში გუნდური ჩავარდნის არ აღნიშვნა. მაგალითად, როხოსა და ბლინდის მოჭრა ორი პასით შეიძლებოდა, რაც დაბალი პასის გაკეთებით სრულდებოდა საჯარიმოში, სადაც პსვ-ს ერთი გახსნილი ფეხბურთელი იმყოფებოდა, მაგრამ სმოლინგი შველოდა:





ხანდახან გუნდს დაცვით ფაზაში სისწრაფე აკლდა - შეხედეთ, რამდენად ნელა ბრუნდებიან მასპინძელთა ფეხბურთელები კოტრშეტევის დროს. განსაკუთრებით გამოირჩეოდა ბლინდი, რომლის გამო სმოლინგი და დარმიანი მარჯვნივ იწევდნენ, ლინგარდს კი, რომელიც შესანიშნავ გარბენს ახორციელებდა, მარჯვენა მცველის პოზიციაზე უხდებოდა თამაში.



მოედნის ცენტრი

შვაინშტიაგერი თითქმის არ გამოირჩეოდა, მხოლოდ ხანდახან აზღვევდა შნეიდერლინს საყრდენ ზონაში.

თავად ფრაგნმა არაერთგვაროვანი შთაბეჭდილება დატოვა: მოედნის ნახევრის გავლით დიდებული დიაგონალები და თამაშის პოზიციურად შესანიშნავი კითხვა შერწყმული იყო ახლომდებარე ფეხბურთელისთვის მიწოდებულ უზუსტო პასებსა და მოწინააღმდეგესთან თამაშში ჩავარდნასთან. მორგანი 6-ჯერ მოატყუეს - ორივე გუნდს შორის ყველაზე ცუდი მაჩვენებელია და ამ მოტყუებებს ხანდახან სახიფათო მომენტი მოსდევდა.



ამ კონტრშეტევის მთავარი ელემენტი სწორედ შნეიდერლინის მოტყუება გახდა ცენტრალურ მოედანზე. აღსანიშნავია დარმიანის საკმაოდ ზანტი წინააღმდეგობა დარტყმამდე.



ანალოგიური სიტუაცია, თუმცა ამჯერად ორთაბრძოლის შემდეგ შნეიდერლინი თითქმის ეთიშება ეპიზოდს, არც კი ცდილობს ჰენდრიქსის დაკეტვას, რომელსაც ლინგარდი დაეწია.

მეორე მხრივ, ქუსლით გაკეთებული გადაცემის შესანიშნავად წაკითხვა და მისი ჩაჭრა:



და დესერტი:



თავდასხმა:

ლინგარდმა ვერ გამოიყენა შანსები, რომლებიც მას იანგმა და მარსიალმა შეუქმნეს, ვერ შეუქმნა გატანის შესაძლებლობა თანაგუნდელებს, მაგრამ კარგად გაისარჯა დაცვაში. ამას ვერ ვიტყვით დეპაიზე, რომელიც მხოლოდ ორი დარტყმით გამოირჩა და ორივე ზუტას ჩააბარა.

ამ მატჩში თამაშით არც რუნი უნდა იყოს კმაყოფილი - პსვ-ს კართან არავითარი საფრთხე შეუქმნია, მატჩის მიწურულს შეცდა, რასაც ხუთი სამზე კონტრშეტევა მოჰყვა, მაგრამ ლოკადიამ დარტყმისას იჩქარა:



მარსიალი მოწინააღმდეგის მცველებს ვერ გაუმკლავდა, ორჯერ მეკარეც ვერ დაამარცხა, მაგრამ სიტუაციის მომენტალური შეფასებითა და ოპტიმალური გადაწყვეტილების მიღებით გამოირჩა, რისი აპოთეოზიც ლინგარდზე ბურთის გატარება გახდა:



დეპაი ბრუმასა და არიასს იტყუებს, მორენო კი მზად არის ფრანგის წინააღმდეგ ითამაშოს, მაგრამ ლინგარდს, რომელიც უფრო კარგ პოზიციაზე გავიდა, არავინ ავიწროებს. მარსიალის შესანიშნავმა თამაშმა ჯესის საშუალება მისცა ორი შეხებითაც კი დაერტყა, მაგრამ ინგლისელმა ბურთი კარგად ვერ დაამუშავა.

რეზიუმე

ფრე სტუმართა სასრგებლოდ, რომელთაც გარანტირებული აქვთ 1/8 ფინალში გასვლა, თუ ცსკა-ს დაამარცხებენ.

"მანჩესტერ იუნაიტედმა" კვლავ შექმნა ლუი ვან გაალის კრიტიკის მიზეზი მოსაწყენი თამაშის გამო, რომელსაც ყოველთვის არ მოაქვს შედეგი. მწვრთნელთან მართლაც ბევრი კითხვა დაგროვდა: ღირს კი მატჩის მიმდინარეობისას ასე ხშირად ფეხბურთელებისთვის პოზიციის შეცვლა? რამდენად სასარგებლოა ფელაინის ტაქტიკის გამოყენება გეგმა ბ-დ? რა არის დეპაის მომავალი და რა სურს მისგან ვან გაალს?

თუმცა, კატასტროფა არ მომხდარა, "იუნაიტედს" კვლავ აქვს პირველი ადგილის დაკავების შანსი.

ავტორი: კირილ ბიკოვი