თბილისი:
მანჩესტერი:
23-11-2015, 19:11
ავტორი: RojoDiablo,
ნანახია: 2616,
კომენტარები: 8
"ვარდის ვუფრთხილდეთ, ბესტი კი დავაფასოთ"
ხუან მატა გულშემატკივარს და თანაგუნდელებს მოუწოდებს.
სალამი ყველას,

ყველანაირი შანსი გვაქვს იმისათვის, რომ ჩემპიონთა ლიგის ჯგუფური ეტაპი პირველ ადგილზე დავასრულოთ და პრემიერ ლიგის ცხრილის სათავეშიც მოვექცეთ. სწორედ ასეთი შესაძლებლობები მოგვცა ამ კვირამ. როგორც ყოველთვის, ახლაც ოპტიმისტურად ვართ განწყობილნი. გვინდა, ძალიან რთული და დაძაბული პერიოდის წინ გავიმარჯვოთ. რა თქმა უნდა, ამის გაკეთება ადვილი არ იქნება. ჩვენი საკუთარი თამაში უნდა ვაჩვენოთ იმისთვის, რომ პსვ და "ლესტერი" დავამარცხოთ.

რაც შეეხება "უოტფორდთან" ჩვენს მატჩს, მინდა შევნიშნო, რომ ამ მოწინააღმდეგის ძლევა ადვილი არ არის, განსაკუთრებით მაშინ, როცა გუნდში სანაკრებო მატჩების შემდეგ ბევრი ტრავმირებული ბრუნდება. ძალიან არ გვიმართლებდა ტრავმებისა და გასვლაზე მატჩების შემთხვევაში. "უოტფორდთან" სტუმრად ტრავმების გამო შეცვლილი შემადგენლობით ჩავედით. თუმცა გამარჯვებაზე ორიენტირებულნი ვიყავით და მოვახერხეთ მათი დამარცხება. ვერ გეტყვით, რომ საოცარი თამაში ჩავატარეთ, მაგრამ პირველ ტაიმში, მით უმეტეს მატჩის სტარტზე, მოედანზე საუკეთესო გუნდი ვიყავით. ჩვენი უპირატესობის გარდასახვა მემფისის შესანიშნავ გოლად შევძელით. მეორე ტაიმში რამდენიმე მომენტი გვქონდა, მაგრამ უნდა აღვნიშნო, რომ პრესინგით "ონავრებმა" საქმე ძალიან გაგვირთულეს. საკმაოდ დიდხანს ვერ ვახერხებდით ბურთის კონტროლს და შედეგად, თამაშსაც. "უოტფორდმა" მატჩის მიწურულს პენალტი გამოიყენა, მაგრამ ხასიათი გამოვავლინეთ და საფინალო სასტვენის წინ გავიტანეთ. უიქ-ენდზე გამართული მატჩების ანგარიშებმა მეორე ადგილზე გადასვლის შანსი მოგვცა. მინდა, ჩვენი გუნდური სული აღვნიშნო, რომელიც ჩვენთან ერთად იყო მატჩის ბოლო წუთამდე. იმედი მაქვს, ასეთ რამეს მომდევნო მატჩშიც გამოვავლენთ აუცილებლობის შემთხვევაში. ასეთი რთული გამარჯვება, არცთუ საუკეთესო თამაშის ფონზეც კი, უფრო მეტია, ვიდრე სამი ქულა.

როგორც უკვე ვთქვი, ჩვენი მომდევნო მეტოქე პრემიერ ლიგაში "ლესტერი" იქნება. რანიერის გუნდი უბრალოდ დაუჯერებელია ამ სეზონში. შესანიშნავი თამაშის წყალობით "მელიები" დამსახურებულად იკავებენ პირველ ადგილს. მინდა, ვარდი გამოვყო, რომელმაც ამ კვირაში ნისტელროის რეკორდი გაიმეორა, რამეთუ ზედიზედ ათ მატჩში გაიტანა და მაჰრეზიც. რა თქმა უნდა, ორივე მათგანი შესანიშნავი ფეხბურთელია, რომელთაც უმაღლეს დონეზე თამაში შეუძლიათ. მომდევნო მატჩში მათ განსაკუთრებულად უნდა დავაკვირდეთ.

მაგრამ მანამდე ჩემპიონთა ლიგის ტურნირზე "ოლდ ტრაფორდზე" პსვ-ს წინააღმდეგ მნიშვნელოვანი მატჩი გვაქვს. ჯგუფური ეტაპის პირველ მატჩში მათ წინააღმდეგ დავმარცხდით, მაგრამ ახლა ძალიან გვინდა გამარჯვება, რათა ტურნირის მომდევნო ეტაპს ერთი ნაბიჯით მივუახლოვდეთ, ასევე "ოლდ ტრაფორდზე" შეკრებილ გულშემატკივარს კიდევ ერთი ჩემპიონთა ლიგის საღამო ვაჩუქოთ.

დაბოლოს, მინდა აღვნიშნო, რომ ძალიან მალე ჩემს "თვითერ" გვერდზე ხუთ მილიონზე მეტი მიმდევარი მეყოლება. უდიდეს მადლობას გიხდით ყოველდღიური მხარდაჭერისთვის. სასიამოვნო სიურპრიზი მოგიმზადეთ, რომელშიც თქვენც მიიღებთ მონაწილეობას...

სასიამოვნო კვირას გისურვებთ. გეხვევით,

ხუანი.

P.S.: ოთხშაბათს ჯორჯ ბესტის გარდაცვალებიდან ათი წლისთავი იქნება. გუშინ მისი ცხოვრებისა და საფეხბურთო კარიერის შესახებ დოკუმენტურ ფილმს ვუყურე. ჯორჯი "მანჩესტერ იუნაიტედისა" და მსოფლიო ფეხბურთის ერთ-ერთი საუკეთესო ფეხბურთელი იყო. ის უეჭველად არის მრავალი თაობის კერპი, რომელთაც ჯერ კიდევ ახსოვთ მისი მიღწევები. სამუდამო გენიოსი.
მატას ბლოგი
8 კომენტარი
№1
ავტორი: GeorgeBest
23 ნოემბერი 2015 19:25
  • სიახლეები: 1563
  • კომენტარები: 12134
ლესტერის ნავარდობა უნდა დამთავრდეს. არ მგონია იოლი მატჩი იყოს, არც დიდ სანახაობას ველი მარა მთავარია მოიგონ და პირველზე გადავიდნენ

დიდი ხანია მატა ჩაკარგულია და დროა აზრზე მოვიდეს
0
№2
ავტორი: Esi
23 ნოემბერი 2015 19:51
  • სიახლეები: 265
  • კომენტარები: 1115
მატიშეეეეეე კლასიშეეეეე love
0
№3
ავტორი: Count Alucard
23 ნოემბერი 2015 20:58
  • სიახლეები: 28
  • კომენტარები: 1979
როგორ არ მინდა, რომ ვარდიმ გაგვიტანოს, მაგრამ მაინც გაგვიტანს და ახალ რეკორდს დაამყარებს... ბესტის საპატივსაცემოდ პსვ-თან კარგად უნდა ითამაშონ, აუცილებლად უნდა გავინაღდოთ ჯგუფიდან გასვლა.
0
№4
ავტორი: Mufc7
23 ნოემბერი 2015 21:50
  • სიახლეები: 31
  • კომენტარები: 3018
ის უეჭველად არის მრავალი თაობის კერპი, რომელთაც ჯერ კიდევ ახსოვთ მისი მიღწევები. სამუდამო გენიოსი.

love
0
_ _ _ _ _ _ _ _ _ _ _ _ _ _ _ _ _ _ _ _ Money can't make history, history makes only legend, legend is only love. Love is MANCHESTER UNITED!
№5
ავტორი: RojoDiablo
23 ნოემბერი 2015 21:52
  • სიახლეები: 7007
  • კომენტარები: 8685
დაცვის ხელშია ჩვენი რუდის მეკარე, მაგრამ ეგ საერთოდ არ მანაღვლებს, მთავარი ქულა და მატჩია. სასწორზე პირველი ადგილი და ერთპიროვნული ლიდერობა დევს, ამაზე მეტი მოტივაცია არც შეიძლება გქონდეს.
0
_ _ _ _ _ _ _ _ _ _ _ _ _ _ _ _ _ _ _ _
If You Can't Support Us When We Lose, Don't Support Us When We Win
№6
ავტორი: redarmy10
23 ნოემბერი 2015 23:29
  • სიახლეები: 0
  • კომენტარები: 167
კარგია ეგრე სერიოზულობით უნდა მოეკიდონ ამშეხვედრას. ძაან მნიშვნელოვანი თამაშია 1 ადგილისათვის და ვარდის და მაჰრეზიც ორივე როგამოყო კარგია უფრო ყურადგებით ითამაშებენ ალბათ მაგათ წინააღმდეგ და 3 ქულა უეჭველი უნდა დაიდოს მაგთამაშიდან და პსვსაც აუცილებლად უნდა მოუგონ ალდ ტრაფორდზე

GGMU <3
0
№7
ავტორი: AkkRed
24 ნოემბერი 2015 09:30
  • სიახლეები: 74
  • კომენტარები: 4669
არამგონია ლესტერმა დიდი წინააღმდეგობა გაგვიწიოს, ერთი არსენალს შეხვდნენ როდესაც ისინი ცუდ ფორმაში იყვნენ და გაალპეს ლესტერიდან არაფერი დატოვეს და ჩვენ რით ვართ ნაკლები
0
№8
ავტორი: ilker
24 ნოემბერი 2015 10:19
  • სიახლეები: 1
  • კომენტარები: 290
ბევრი ტრამვირებული გვყავს და ეგ მაშინებს, თორე ლესტერი მაღალი დონის გუნდი არაა, უბრალოდ უმართლებთ გრანდებთან არ უთამიშიათ ჯერ და მაგიტო. ვარდი კი რო ვერ გაგვიტანს 90% დარწმუნებული ვარ

შენ კი ხუანიტო მოუმატე რა თამაშს
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

7 დეკემბერი 2019, 21:30
სიტი
იუნაიტედი
პრემიერ ლიგა
12 დეკემბერი 2019, 23:59
იუნაიტედი
ალკმაარი
ევროპა ლიგა
14 დეკემბერი 2019, 19:00
იუნაიტედი
ევერტონი
პრემიერ ლიგა
სიტი7 დეკემბერი
ალკმაარი12 დეკემბერი
ევერტონი14 დეკემბერი
SportsRecents.com

შემოგვიერთდი

წინა მატჩები

4 დეკემბერი 2019, 23:30
იუნაიტედი2
ტოტენჰემი1
პრემიერ ლიგა
1 დეკემბერი 2019, 20:30
იუნაიტედი2
ასტონ ვილა2
პრემიერ ლიგა
28 ნოემბერი 2019, 19:50
ასტანა2
იუნაიტედი1
ევროპა ლიგა
ტოტენჰემი4 დეკემბერი
ასტონ ვილა1 დეკემბერი
ასტანა28 ნოემბერი

პრემიერ ლიგა

დამალვა
ვიდეო პორტალი
ყველა უფლება დაცულია

© MANUTD.GE 2012

Top