ბასტიან, შეტევის საშინლად კარგი დასრულება იყო! პენალტის შემდეგ გეგონათ, რომ "იუნაიტედი" მატჩში დაბრუნებას მაოხერხებდა?

ბასტიანი: იცით, ფეხბურთში ყოველთვის გაქვს 90-93 წუთი, ამიტომ ყოველთვის უნდა გწამდეს ამის. რა თქმა უნდა, არ გაგვიმართლა, რომ ჩვენს კარში პენალტი დანიშნეს, დინიმ გაიტანა... დინიმ? დინი ერქვა?

დიახ.

ბასტიანი: მაგრამ ყოველთვის შენი საუკეთესო ფეხბურთი უნდა ითამაშო მსაჯის ბოლო სასტვენამდე. ჩემი გოლის დროს ცოტა გაგვიმართლა, მაგრამ ბედნიერები ვართ, რომ ასეთ რთულ მატჩში სამი ქულა ავიღეთ.

შესაძლოა, ეს ავტოგოლი იყო და თქვენ უბრალოდ პასს აკეთებდით, მაგრამ მიუხედავად ამისა, იქ იყავით.

ბასტიანი: სახიფათო მომენტს უნდა გრძნობდე. ძალიან კარგი კუთხე არ იყო, მაგრამ, რა თქმა უნდა, ბურთს შეეხო.

მემფის, დღეს თქვენს მხრებზე პასუხისმგებლობა გაწვათ: რუნი არ არის, მარსიალი არ არის, მწვრთნელს თქვენში უფრო მეტის ნახვა სურდა და ამას გაუმკლავდით. შესანიშნავი გოლი იყო.

მემფისი: დიახ, გმადლობთ. ვფიქრობ, მატჩი კარგად დავიწყეთ. ადრე გავიტანეთ.

თქვენი თამაშით კმაყოფილი ხართ?

მემფისი: დიახ, მიხარია, რომ მოედანზე 90 წუთი გავატარე. ამით კმაყოფილი ვარ. ბედნიერი ვარ, რომ გუნდმა ყველაფერი დადო მოედანზე. ადვილი არ იყო, რა თქმა უნდა, მაგრამ არა უშავს.

მეორე ტაიმში საშიში მომენტები იყო, მაგრამ დე ხეამ შესანიშნავი სეივები განახორციელა, რომელმაც მატჩში დაგტოვათ, ბასტი.

ბასტიანი: ეს სიმართლეა. ეს სიმართლეა. დავიდი - მსოფლიოს ერთ-ერთი საუკეთესო მეკარეა და ბედნიერები ვართ, რომ ჩვენთან დარჩა. ბევრი შესანიშნავი სეივი განახორციელა არა მარტო დღეს, არამედ წინა მატჩებშიც. დიახ. თუ გინდა რამის მოგება, მაშინ კარგი მეკარე უნდა გყავდეს.

ახლა ცხრილის სათავეში ხართ. ეს ჩემპიონობისთვის ბოლომდე ბრძოლაში დაგეხმარებათ?

ბასტიანი: ვფიქრობ, რომ ეს სამი ქულა ჩვენთვის ძალიან მნიშვნელოვანია. წინა გამარჯვებაც მნიშვნელოვანი იყო, რადგან "სიტიმ" და "არსენალმა" ქულები დაკარგეს. მომდევნო მატჩი "ლესტერთან" გვაქვს, რთული იქნება, მაგრამ ამ მატჩის მოგებაც შეგვიძლია. რა თქმა უნდა, გახარებულები ვართ.

ბასტიან, ჯილდოს მემფისს აძლევთ? მატჩის საუკეთესო ფეხბურთელად იგი დასახელდა. შესანიშნავი იყო, მემფის!

მემფისი: გმადლობ, ბასტი.

ბასტიანი: ყველაფერს საუკეთესოს გისურვებ! დაიმსახურე! კარგი ვარცხნილობა გაქვს!

მემფისი: გმადლობ, ჩემო მეგობარო.