არიენ რობენის მდგომარეობა "ბაიერნში" დამძიმდა.
"მანჩესტერ იუნაიტედი" კვლავ დაუკავშირეს არიენ რობენს, რომელიც რობერტ ლევანდოვსკისთან კონფლიქტში იმყოფება.
ბრიტანული მედია ირწმუნება, რომ ლუი ვან გაალი ჰოლანდიელი ფეხბურთელის სიტუაციას აკვირდება, რომელიც არცთუ სასიამოვნო გახდა არიენისთვის მას შემდეგ, რაც პოლონელმა ფორვარდმა განაცხადა, რომ რობენი ზედმეტად ეგოისტი ფეხბურთელია იმისთვის, რომ მასთან ერთად ითამაშოს.
ლევანდოვსკი, რომელსაც პეპ გვარდიოლას გუნდში ჩატარებულ 17 მატჩში 19 გოლი აქვს გატანილი, დუგლას კოშტასა და კინგსლი კომანთან თამაშს ამჯობინებს.
რობენს ამაზე კარგი რეაქცია არ ჰქონია და იანვარში შესაძლოა, "ალიანს არენა" დატოვოს.
32 წლის ვინგერს ლუი ვან გაალთან კარგი ურთიერთობა აქვს, რომელიც მსოფლიო ჩემპიონატზე ჰოლანდიის ნაკრებში ჩამოყალიბდა.
რობენს ჯერ კიდევ სჯერა, რომ უმაღლეს დონეზე თამაში მინიმუმ სამი წლის განმავლობაში შეუძლია, თუმცა სათამაშო პრაქტიკას გვარდიოლას გუნდში ვერ იღებს.
ტრავმის მიღების შემდეგ რობენმა სასტარტო შემადგენლობაში ადგილი დაკარგა, მაგრამ ჰოლანდიის ნაკრებში უელსის წინააღმდეგ დაბრუნდა და ორი გოლი გაიტანა.
წყარო:
mirror