15-11-2015, 12:13

ავტორი: RojoDiablo,

ნანახია: 3303,

კომენტარები: 6

"ჩემპიონთა ლიგის მეოთხე საგზური საფრთხეშია"

ჩემპიონთა ლიგაზე ინგლისს ოთხი გუნდი შესაძლოა აღარ ჰყავდეს.

"მანჩესტერ იუნაიტედის" აღმასრულებელი დირექტორი ედ ვუდვორდი შიშობს, რომ პრემიერ ლიგა ჩემპიონთა ლიგაზე მეოთხე საგზურს დაკარგავს.

ინგლისური კლუბების წარუმატებელმა ბოლო დროინდელმა გამოსვლებმა ევროპულ არენაზე რეალური საფრთხის წინაშე დააყენა ჩემპიონთა ლიგის მეოთხე ინგლისური საგზური.

ვუდვორდი ამის შესაძლო მაგალითებს ხსნის და შიშობს, რომ დღევანდელი რეალობის გაგრძელების შემთხვევაში მოვლენა გარდაუვალი იქნება.

"ბოლო მონაცემების თანახმად, ევროთასებზე ბოლო პერიოდში ყველაზე კარგად იტალია და საფრანგეთი გამოდიან. მარტივად რომ ვთქვათ, თუ ჩვენი გუნდები ასე გამოსვლას გააგრძელებენ და საშუალო ან თუნდაც არადამაკმაყოფილებელ შედეგებს აჩვენებენ მაშინ, როცა იტალიური და გერმანული კლუბები პირიქით, არ მოუკლებენ, იარსებებს რისკი, რომ ჩემპიონთა ლიგაზე მეოთხე საგზურს დავკარგავთ.

რადგანაც უეფა-ს რეიტინგი ყოველი კლუბის გამოსვლაზეა დაფუძნებული, რთულია ვთქვა, რა მოეთხოვება A ან B გუნდს. ყველაზე მთავარია იტალიური და გერმანული გუნდების გამოსვლასთან შედარებითი ანალიზი.

უბრალო სიტყვებით რომ ვთქვათ, თუ ისევე ცუდად ვიასპარეზებთ, როგორც წინა სეზონში, ხოლო იტალია და გერმანია მიმდინარე წლის დონეზე დარჩებიან, უკვე მომდევნო სეზონში საფრთხეში იქნება მეოთხე საგზური," - განაცხადა ვუდვორდმა.

წყარო: theguardian

ინტერვიუები

6 კომენტარი

№1

ავტორი: GeorgeBest

15 ნოემბერი 2015 12:18

სიახლეები: 1729
კომენტარები: 12134

კიდე იტალიის ცუდმა მატჩებმა უშველათ თორე არანაირად არ იმსახურებს ფარჩაკი ინგლისი 4 გუნდს. მერამდენე წელია უთავმოყვარეო გუნდებით იჩითება და ძაან ტეხავს

მოიესის მანჩესტერიც კი ბევრზე წარმატებულად გამოვიდა. შეხვდებათ ბაიერნი, რეალი, ბარსა და 5-0ზე ნაკლებს არ აგებენ areyoukiddingme

№2

ავტორი: ვახო ( G G M U)

15 ნოემბერი 2015 12:35

სიახლეები: 0
კომენტარები: 4327

დიდი ალბათობაა რა თქმა უნდა, რომ მეოთხე ადგილი დაკარგოს ინგლისმა ჩემპიონთა ლიგაზე. ძალიან ცუდად გამოდიან ინგლისური კლუბები და ესე გაგრძელება ნამდვილად არ შეიძლება. იტალიის გუნდები ცოტა უკეთესად რო გამოსულიყვნენ აქამდე ლიგაზე ალბათ უკვე დაკარგული იქნებოდა მეოთხე ადგილი.

№3

ავტორი: Count Alucard

15 ნოემბერი 2015 15:07

სიახლეები: 28
კომენტარები: 1979

ღირსიც იქნება ინგლისი, რომ დაკარგოს მეოთხე საგზური, არ ეკუთვნით ისე სამარცხვინდ გამოდიან ხოლმე ევროთასებზე... ერთი ჩვენ ვიცავდით ინგლისის ღირსებას. ბოლო წელი გამოვტოვეთ(დიდი მადლობე მოიესს), წელს საშინლად გამოიყურება გუნდი და ვნახოთ რა შედეგს დადებს. ჯგუფს ალბათ გავცდებით, მაგრემ მინიმუმ მეოთხედფინალამდე უნდა მივაღწიოთ, მაგრამ არამგონია ეგ იყოს საკმარისი. როდესაც ოთხი გასული გუნდიდან 1 ჯგუფში რჩება და დანარჩენი სამი მერვედფინალიდან ეთიშება გათამაშებას მართლა კითხვის ნიშნის ქვეშ დგება ინგლისელთა თამაშის დონე... წელს ან სიტიმ უნდა ქნას რამე ან ჩვენ უნდა მივაღწიოთ, თორემ ჩელსის და არსენალის იმედი ინგლისს ვერ ექნება.

№4

ავტორი: ViDa

15 ნოემბერი 2015 16:20

სიახლეები: 132
კომენტარები: 450

დიდი ალბათობით ეგრეც იქნება. ძაან ჩავარდა ინგლისის ფეხბურთი ევრო თასებზე. არც ერთი გუნდი იმედს არ ტოვებს დღეს. არსენალი, როგორც ყოველთვის იჩაგრება. ჩელსის ძალიან დიდი პრობლემები აქვს და არ ვიცი პორტოსთან რას იზამენ. არც მანჩესტერი თამაშობს დამაკმაყოფილებელ ფეხბუეთს და რა იქნება ფლეი ოფში არ ვიცი. სიტის იმედი საერთოდ არ მაქვს. თითქოს კარგად თამაშობენ, პერსპეკტიული გუნდია ევრო თასებზე, მარა ბოლოს შედეგი მაინც ერთია, ფლეი ოფის პირველივე თამაშიდან გამოვარდებიან. იმედი მაქვა, რომელიმე გუნდი მეოთხედ ფინალამდე მაინც მიაღწევს

_ _ _ _ _ _ _ _ _ _ _ _ _ _ _ _ _ _ _ _

"My greatest challenge is not what’s happening at the moment, my greatest challenge was knocking Liverpool right off their fuckinging perch. And you can print that."

№5

ავტორი: RojoDiablo

15 ნოემბერი 2015 20:27