ანდერ ერერამ აღნიშნა, რომ "მანჩესტერ იუნაიტედის" მთავარ მწვრთნელ ლუი ვან გაალთან კარგი ურთიერთობა აქვს.

ერერა "ოლდ ტრაფორდის" გულშემატკივართა ფავორიტია და ბილბაოს "ატლეტიკიდან" გადასვლის შემდეგ ხშირად ხვდება როგორც გუნდში, ისე სათადარიგოთა სკამზე.

მიმდინარე სეზონში ჩატარებულ 12 მატჩში ესპანელმა 3 გოლი გაიტანა. მაგრამ "მანჩესტერ სიტისა" და "კრისტალ პალასთან" ნათამაშები უგოლო ფრეების შემდეგ 26 წლის ნახევარმცველი ცსკა-სა და "ვესტ ბრომთან" სათადარიგოთა სკამზე დარჩა.

ერერა აღნიშნავს, რომ ვან გაალი ძალიან მომთხოვნია, მაგრამ "იუნაიტედის" მწვრთნელთან ძალიან კარგი ურთიერთობა აქვს.

"ძალიან მომთხოვნი ადამიანია, ძალიან პირდაპირი და მკაცრი, რასაც ძალიან ვაფასებ.

ყველა დანარჩენს შეიძლება რთული პიროვნება ჰგონია, მაგრამ ვფიქრობ, კარგი კაცია და კლუბისთვის საუკეთესო სურს.

პირადად მე, მასთან კარგი ურთიერთობა მაქვს. ვიცი, კლუბის ფარგლებს მიღმა ის რთული ადამიანი ჩანს, მაგრამ შიგნიდან ჩვენი გაუმჯობესებისთვის შესაფერისი კაცია", - განაცხადა ანდერმა.

წყარო: M.E.N.