უეინ რუნის ფორმა კვლავ განსახილველია

ლუი ვან გაალმა უეინ რუნი ცენტრფორვარდობიდან ნომერ ათზე გადაიყვანა, უკან ცენტრფორვარდად დააბრუნა, მარცხენა ფლანგზე გადაიყვანა და ახლა ისევ ნომერ ათზე ჰყავს, იმის იმედით, რომ მისი კაპიტანი ფორმაში ჩადგება.

მაგრამ ეს არ არის მისი პოზიცია, პრობლემაც სწორედ ეს არის. რუნი კარგად არ თამაშობს და ვან გაალს ამის აღიარება რაც შეიძლება მალე მოუწევს. "იუნაიტედის" მწვრთნელს წინა ხაზში ბევრი არჩევანი არ აქვს და პრობლემა უნდა აღმოაჩინოს, რათა ის გადაჭრას. რუნის ცუდი თამაში დიდხანს ვეღარ გაგრძელდება, თუ "იუნაიტედს" წარმატებული სეზონი სჭირდება.



შანსების შექმნა

დაცვა იმდენად კარგად თამაშობს, რომ "იუნაიტედს" მხოლოდ ერთი გოლი ეყოფა მატჩის მოსაგებად. ეს კი უკვე იღბლის საქმეა, რადგან საკმარისი რაოდენობის შანსებს ვერ ქმნიან. ვერც ერთი გუნდი გამოიყენებს ყველა შანსს, რომელსაც ქმნის, მაგრამ ზოგიერთები ყველაზე მეტ შანსს ქმნიან და ყველაზე მეტი დარტყმა აქვთ.

"იუნაიტედს" ამ სეზონში კარისკენ 85 დარტყმა აქვს. შედარებისთვის, ლიდერმა "მანჩესტერ სიტიმ" 156-ჯერ დაარტყა, ცხრილის შუაში მყოფმა "უოტფორდმაც" კი 104-ჯერ დაარტყა.



ბლინდი თუ ჯონსი

ვან გაალის დაცვითი ორგანიზებულობა იმდენად კარგია, რომ თავისუფლად შეუძლია თავისი უკანა ხაზის ოთხეულში ცვლილებების შეტანა. კრის სმოლინგი უდავოდ ძირითადშია, მაგრამ მას პარტნიორი სჭირდება.

დეილი ბლინდსა და ფილ ჯონსს შორის უპირატესობები და ნაკლოვანებებია. დეილი ბურთით უკეთ მოქმედებს და თამაშს უკეთ კითხულობს. ჯონსი უფრო სწრაფი და ძლიერია.

ვან გაალს მოსწონს გუნდის აშენება სიძლიერეზე და სხვა გუნდების სისუსტეზე და შეუძლია როტაცია გააგრძელოს მოწინააღმდეგის წინა ხაზზე დამოკიდებულებით. მაგრამ დიდი გუნდების წინააღმდეგ, "იუნაიტედმა" და სმოლინგმა სტაბილურობა უნდა შეინარჩუნონ.



მარჯვენა მცველი

კითხვები არსებობს ერთ ცენტრალურ მცველთან დაკავშირებით, მაგრამ არსებობს მარჯვენა მცველთან დაკავშირებითაც. ვან გაალი არ ჰგავს მატეო დარმიანით სრულიად კმაყოფილს, თუმცა ის კვლავ პირველი არჩევანია.

რეზერვში ანტონიო ვალენსია და ეშლი იანგი ჰყავს, მაგრამ ორივე მათგანი ვინგერია და დაცვით ფუნქციებში სირთულეებს აწყდებიან. ვან გაალს იმედი ექნება, რომ დარმიანი იმავე ფორმას აღიდგენს, რასაც "იუნაიტედში" ჩატარებულ პირველ მატჩებში აჩვენებდა.

მაგრამ ეს რომ გააკეთოს, იტალიელმა უნდა აჩვენოს, რომ შობის გადატვირთულ გრაფიკს გაუმკლავდება - ასეთი რამ კი სერია A-ში არასდროს გამოუცდია.



კრის სმოლინგის ფორმაში შენარჩუნება

კრის სმოლინგი "იუნაიტედის" სეზონის საუკეთესო ფეხბურთელია. თუ ასე გააგრძელებს და "იუნაიტედი" პრემიერ ლიგის ტიტულისთვის იბრძოლებს, სმოლინგი აუცილებლად მიიღებს დიდ პირად ჯილდოს.

ზედიზედ 20 მატჩის სასტარტო შემადგენლობაში ჩატარება კარიერის ყველაზე გრძელი სერიაა მისთვის. მაგრამ წარსულში მას ტრავმები აწუხებდა და ვან გაალი უნდა დარწმუნდეს, რომ დასვენების საშუალებას მიიღებს, როცა შესაფერისი დრო მოვა.



წყარო: M.E.N.