ლუი ვან გაალი ამიერიდან ფრთხილად უნდა იყოს, უეინ რუნიმ "მანჩესტერ არენაზე" ორშაბათს ღამით ათასობით გულშემატკივრის წინაშე 6 ფუტისა და 7 ინჩის სიმაღლის ვრესტლინგის სუპერვარსკვლავი ერთი დარტყმით დასცა.

"მანჩესტერ იუნაიტედისა" და ინგლისის კაპიტანი რაიან გიგზსა და ყოფილ თანაგუნდელ დარენ ფლეთჩერთან ერთად როუს შოუს დაესწრო.

ტრიო შეჯიბრების დაწყებამდე კულისებში შენიშნეს, როცა გასართობი ვრესტლინგის ყოფილ მსოფლიო ჩემპიონ ჯონ ბრედფილ ლეიფილდთან ერთად იღებდნენ სურათს.







მაგრამ საქმე მალე დარტყმამდე მივიდა, როცა რუნი მისი 6 წლის ვაჟთან, კაისთან ერთად მაყურებელთა შორის იმყოფებოდა.

ინგლისის ნაკრების რეკორდული რაოდენობის გოლების ავტორის შენიშვნის შემდეგ, მანჩესტერელმა ვრესტლერმა, უეიდ ბარეტმა 30 წლის თავდამსხმელის დამცირება ხალხის წინაშე სცადა.

ბეჰემოტ ბარეტი, რომელიც 35 წლისაა, ინგლისის ნაკრების ფეხბურთელთან მივიდა და უთხრა: "ამ რინგზე ორი ვინმეა, რომელთა აღწერისას მარტივად შეიძლება ვთქვათ, რომ ჩემპიონები არიან. რომლებიც, რა თქმა უნდა, უეინ რუნი და "მანჩესტერ იუნაიტედი" არიან".

შემდეგ ბარეტი, როცა რუნის უფროსი ვაჟი შენიშნა, პირადულსაც შეეხო.



"არ მინდა შენი პატარა ბიჭი აქ იჯდეს და უყუროს როგორ დავცემ მამამისს. რადგან ამას ისედაც ხედავს ყოველთვის, როცა მოედანზე ფეხს აბიჯებ".

ამან რუნი მოთმინებიდან გამოიყვანა, სკამიდან ადგა და ბარეტი ერთი დარტყმით ძირს დასცა. აღელვებულმა მანჩესტერლმა ხალხმა რუნის სახელის სკანდირება დაიწყო, როცა ბარეტი უკვე იატაკაზე იწვა. შემთხვევა - პროფესიონალური ვრესტლინგის თანახმად - რა თქმა უნდა, დადგმული იყო და ინგლისის ნაკრების კაპიტანმა თავისი როლი კარგად შეასრულა.

ბარეტმა შემდეგ "თვითერზე" დაწერა: "ხვალ დილით "ოლდ ტრაფორდზე" მივდივარ. იმედი მაქვს, უეინ რუნის გამბედაობა ეყოფა და შემხვდება". შემდეგ კი დაამატა: "ვინმეს ფილ ბარდსლის ნომერი ხომ არ გაქვთ?"



სოციალურ ქსელში უკვე ვრცელდება ვიდეოები, რომლებიც რუნისა და ბარეტის ორთაბრძოლას ასახავს.