"მანჩესტერ იუნაიტედის" რამდენიმე ფეხბურთელი 13 და 17 ნოემბერს შეიძლება ერთმანეთს დაუპირისპირდეს.

ინგლისის ნაკრებს თავის შემადგენლობაში ოთხი "წითელი ეშმაკი" ეყოლება - კრის სმოლინგი, ფილ ჯონსი, მაიკლ კერიკი და უეინ რუნი. მათი პირველი მეტოქე ესპანეთის ნაკრები იქნება, რომელთა რიგებში დავიდ დე ხეა და ხუან მატაც ითამაშებენ.

ოთხი დღის შემდეგ ინგლისი "უემბლიზე" საფრანგეთს შეხვდება, სადაც რუნი და კომპანია ენტონი მარსიალსა და მორგან შნეიდერლინს დაუპირისპირდება, მანამდე კი ფრანგები გერმანიის ნაკრებსა და თანაგუნდელ ბასტიან შვაინშტაიგერს მიიღებენ "სტად დე ფრანსზე".

გერმანელები 17 ნოემბერს ჰანოვერში ჰოლანდიის ნაკრებს მიიღებენ, რომელთა რიგებში დეილი ბლინდი და მემფის დეპაი ითამაშებენ, რომლებიც მანამდე კარდიფში უელსს შეხვდებიან.

მარუან ფელაინი 13 ნოემბერს ბრიუსელში იტალიის ნაკრების წინააღმდეგ ბელგიის შემადგენლობაში ითამაშებს, შემდეგ კი "კონინგ ბუდევინფნსტადიონზე" მატასა და დე ხეას ესპანეთის ნაკრებს შეხვდება. მატეო დარმიანი როგორც მოსალოდნელია იტალიელთა რიგებში ითამაშებს, რომლებიც ბელგიასთან დაპირისპირების შემდეგ რამდენიმე დღეში ბოლონიაში რუმინეთის ნაკრებს უმასპინძლებენ.

ჩრდილოეთ ირლანდიის მთავარი მწვრთნელი მარტინ ო'ნილი იმედოვნებს, რომ პედი მაკნეირი კვლავ შეძლებს მის გუნდში თამაშს, როცა "უინდსორ პარკზე" ლატვიის ნაკრები ეწვევა, თუმცა მაკნეირი 23-კაციან განაცხადში ჯერ შეყვანილი არ არის.

ოკეანეთის მიდამოებში არგენტინის ნაკრები 2018 წლის მსოფლიო ჩემპიონატის შესარჩევ ეტაპზე ბრაზილიას "ეშტადიო მონუმენტალზე" დაუპირისპირდება, სადაც მარკოს როხო და მეკარე სერხიო რომერო მიიღებენ მონაწილეობას, მათი მომდევნო მეტოქე კი კოლუმბიიის ნაკრები იქნება ბარანკილაში.

წყარო: manutd.com