კამერონ ბორტვიკ-ჯექსონმა, რომელმაც "ვესტ ბრომვიჩთან" მატჩში "იუნაიტედის" პირველ გუნდში პირველი მატჩი ჩაატარა, "წითელი ეშმაკების" 21 და 19-წლამდელთა გუნდში არაერთხელ გამოიჩინა თავი.

18 წლის ახალგაზრდამ, რომელიც ადგილობრივი მოქალაქეა, შეხვედრის დასრულებამდე 15 წუთით ადრე მარკოს როხო შეცვალა და გუნდის გამარჯვებაში თავისი წვლილი შეიტანა.

ბორტვიკ-ჯექსონს დაცვის ორ პოზიციაზე, მარცხენა ფლანგსა და ცენტრალურ პოზიციაზე შეუძლია თამაში და თავისი გამოსვლით ვან გაალის ყურადღება დაიმსახურა.

კამერონს 21-წლამდელთა გუნდში დებიუტი 16 წლის ასაკში ჰქონდა და იმავე შეხვედრაში Milk Cup-ის 2014 წლის გათამაშების ფინალში გამარჯვების გოლი გაიტანა. უორენ ჯოისის გუნდში ბორტვიკ-ჯექსონმა ხუთი შეხვედრა ჩაატარა და ერთ-ერთი შეუცვლელი ფეხბურთელი იყო, გარდა ამისა, მის ანგარიშზე უეფა-ს ახალგაზრდულ ლიგაზე ჩატარებული სამი მატჩიც ირიცხება.

"კამერონი მიმდინარე სეზონში ბრწყინვალეა", - ამბობს ჯოისი. "სულ უფრო და უფრო ძლიერდება".

პოლ მაკგინესმა, რომელიც თავის დროზე 18-წლამდელთა გუნდს წვრთნიდა, კამერონის შესახებ, რომელმაც 2014/15 წლების სეზონში ყველაზე მეტი მატჩი ჩაატარა ახალგაზრდულ გუნდში, განაცხადა:

"კამერონს ყველაფერი აქვს ამის გასაკეთებლად. მაღალია, ძლიერია, სირბილი და თამაში შეუძლია".

მცველს ვან გაალმა 43 ნომრიანი მაისური მისცა.

წყარო: manutd.com