"მანჩესტერ იუნაიტედის" ლეგენდარულმა ფეხბურთელმა პოლ სქოულზმა კვლავ გადაწყვიტა ვან გაალის გაკრიტიკება და ამჯერად მისი ერთ-ერთი შეგირდისთვის, კერძოდ, მაიკლ კერიკისთვის უფრო მეტი დროის მიცემა ურჩია.

მიმდინარე სეზონში ვან გაალი ხშირად ტოვებს 34 წლის ნახევარმცველს ძირითადი შემადგენლობის მიღმა. სქოულზს კი მიაჩნია, რომ მასთან ასეთი მიდგომა არასწორია და ჰოლანდიელმა სპეციალისტმა მაიკლს უფრო მეტი სათამაშო დრო უნდა მისცეს.

"სიმართლე გითხრათ, არა მგონია, ვან გაალს კერიკი ძალიან მოსწონდეს. არ ათამაშებს.

მაიკლი არის ფეხბურთელი, რომელიც უნდა ათამაშო. კერიკი არ არის მოთამაშე, რომელიც ერთ მატჩს ჩაატარებს და სამს გამოტოვებს.

ის მოთამაშეა, რომელმაც რიტმი უნდა შეიგრძნოს. ალექს ფერგიუსონი ამბობდა, რომ 5-6 მატჩი სჭირდება ფორმაში ჩასადგომად.

შესანიშნავად ანაწილებს პასებს და თუ მას მხარში ამოუდგებიან და შემადგენლობაში დააყენებენ, "იუნაიტედი" გაცილებით უკეთ ითამაშებს", - განაცხადა სქოულზმა BT Sport-ის ეთერში.