პრემიერ ლიგის 10 ტურის შემდეგ ტიერი ანრიმ მისთვის 10 ყველაზე გამორჩეული ფეხბურთელი დაასახელა.

Sky Sports-ის ექსპერტმა, წარსულში კი "არსენალის" ლეგენდარულმა ფეხბურთელმა თავისი არჩევანი გააკეთა და რამდენიმე გამორჩეული ფეხბურთელი დაასახელა კლუბებიდან, რომლებიც ამჟამად ხუთ საუკეთესო გუნდს შორის იმყოფებიან - "მანჩესტერ სიტი", "არსენალი", "ვესტ ჰემი", "მანჩესტერ იუნაიტედი" და "ლესტერ სიტი".

მრავალი შემტევი ნიჭიერი ფეხბურთელი აჩვენებს შოუს, მაგრამ ანრის სიაში მხოლოდ მათთვის არ მოიძებნა ადგილი, ფრანგმა ათეულში მეკარე და მცველიც შეიყვანა:

ტიერი ანრის საუკეთესო ათეული ასე გამოიყურება:

დიმიტრი პაიე - "ვესტ ჰემი"



ანრი: "ჩემთვის მისი გამორჩეულობა თანმიმდევრულობაა. ის ამას "ვესტ ჰემში" აკეთებს თანაც ისე, რომ არ თამაშობს ისეთი კალიბრის ფეხბურთელებთან ერთად, როგორებთანაც ამ სიის სხვა წევრები".

ალექსის სანჩესი - "არსენალი"



ანრი: "მრავალჯერ ვთქვი, მაგრამ "არსენალისთვის" უმნიშვნელოვანესია. თუ ტრავმას არ მიიღებს და ისევე ითამაშებს, როგორც აქამდე, "არსენალს" ყველანაირი შანსი აქვს ტიტულის მოსაგებად, მაგრამ ფორმაში უნდა იყოს. არ მინდა სხვა არხის გადაცემა მივისაკუთრო, მაგრამ ნამდვილი X-ფაქტორია".

მესუთ ოზილი - "არსენალი"



ანრი: "ჩემი აზრით, როგორც იქნა დაიწყო მისგან მოსალოდნელის მოცემა. ყველასთვის ცნობილია მისი დონე. მსოფლიო ჩემპიონია. მას აქვს ხედვა, განაწილება... ყველაფერი. ახლა ამას ყოველ მათჩში აკეთებს, ამიტომ უნდა შევაქოთ".

სანტი კასორლა - "არსენალი"



ანრი: "ჩემს შვილთან ერთად შოუს ვუყურებ - პატარა აინშტაინი. სწორედ ის არის, სანტი კასორლა პატარა აინშტაინია. როგორც პაიეს შემთხვევაში ვთქვი, გუნდის ტვინი ის არის".

ჯეიმი ვარდი - "ლესტერ სიტი"



ანრი: "ის არის შესანიშნავი მაგალითი იდეისა, რომლის თანახმად ყველაფერი შეიძლება მოხდეს. თუ ვინმე ტოვებს კლუბს ან მიდის დაბალ ლიგაში სათამაშოდ და ფიქრობს, რომ ეს დასასრულია, შეხედეთ ჯეიმი ვარდის, რადგან ეს არ არის დასასრული. ის შესანიშნავი მაგალითია იმისა, რომ ყველაფერია შესაძლებელი, თუ იშრომებ".

ენტონი მარსიალი - "მანჩესტერ იუნაიტედი"



ანრი: "ზარს უპასუხა. არა მარტო გოლები გააქვს, არამედ ისიც აჩვენა, რომ სხვა რამეც შეუძლია. "სიტის" წინააღმდეგ ვერ გაიტანა, მაგრამ შექმნას ცდილობდა. ერთადერთი სწორედ ის იყო, ვინც შექმნას ცდილობდა, მოწინააღმდეგს დამარცხებას, ჩაწოდებას, ფლანგიდან შესვლას, ცენტრიდან გაჭრას და დარტყმას ცდილობდა. მას ასევე წარმოდგენა ჰქონდა რა ხდებოდა მის ირგვლივ და რა უნდა გაეკეთებინა, რომ გოლები გაეტანა, რაც ყველავ ვიცით, რომ შეუძლია".

სერხიო აგუერო - "მანჩესტერ სიტი"



ანრი: "სანჩესის მსგავსად, აგუეროც განსხვავებულია. ამჟამად პრემიერ ლიგაში საუკეთესო ცენტრ-ფორვარდია".

კევინ დე ბრუინე - "მანჩესტერ სიტი"



ანრი: "როგორც მარსილმა, მანაც "უპასუხა ზარს". დიდი თანხის სანაცვლოდ მოვიდა, მაგრამ უკვე ვნახეთ, რომ გოლის გატანაც შეუძლია და პასის მიცემაც. "სიტიში" თავს კომფორტულად გრძნობს და როგორც ჩანს აქ დიდხანს დარჩება".

ჯო ჰარტი - "მანჩესტერ სიტი"



ანრი: "ყოველთვის, როცა ჯო ჰარტს ვუყურებ, 2-3 სეივს აკეთებს. ყოველ მატჩში გუნდს ერთი სეივით ქულებს უნარჩუნებს. ასეთი დონის გუნდების მეკარეებისთვის მნიშვნელოვანია მომენტი, რადგან ბევრი სეივის კეთება არ უწევთ და როცა ამის დრო მოვა, უნდა გადაარჩინონ გუნდი".

კრის სმოლინგი - "მანჩესტერ იუნაიტედი"



ანრი: "არ ვიცი, რა სახის ფეხბურთელობა უნდოდა, მაგრამ ახლა ვხედავ, რომ მართვა სურს. ვხედავ, რომ ლიდერობა უნდა, ვხედავ, უნდა იყოს მცველი, რომელიც თავს სწირავს, რომელიც ორთაბრძოლებში შედის და რაც უფრო მნიშვნელოვანია, სურს მბრძანებელი ბიჭი იყოს. ლაპარაკობს, ბურთს ითხოვს, ქოქავს. არაფერი აშინებს და ამ როლს კარგად ირგებს".

წყარო: skysports