თბილისი:
მანჩესტერი:
3-11-2015, 09:17
ავტორი: RojoDiablo,
ნანახია: 1664,
კომენტარები: 8
ვან გაალი: "შეტევაზე ვმუშაობთ"
ლუი ვან გაალის პრესკონფერენცია ცსკა-სთან მატჩამდე.
ვან გაალი:
"მანჩესტერ იუნაიტედის" მთავარმა მწვრთნელმა ლუი ვან გაალმა თავისი ფეხბურთელები გააფრთხილა, რომ სამი უგოლო მატჩის შემდეგ გოლების გატანაზე უნდა იზრუნონ.

"წითლებმა" "მანჩესტერ სიტის", "მიდლსბროსა" და "კრისტალ პალასის" წინააღმდეგ ჩატარებულ ზედიზედ სამ მატჩში ვერ მოახერხეს გოლის გატანა და ასეთი შედეგი უეფა-ს ჩემპიონთა ლიგის მატჩამდე ნამდვილად იწვევს შეშფოთების საბაბს.

B ჯგუფში ჯერ არაფერია გადაწყვეტილი და დღევანდელი მატჩის მონაწილე ორივე გუნდისთვის, ცსკა-სა და "მანჩესტერ იუნაიტედისთვის" გამარჯვება მნიშვნელოვანია, რადგან ორივე მათგანს 4-4 ქულა აქვს.

ორშაბათს გამართულ პრესკონფერენციაზე ვან გაალს გუნდის უგოლო სერიისა და სათამაშო ფორმის შესახებ ჰკითხეს. "რუსეთის ჩემპიონების" კარის აღებასთან დაკავშირებით ოპტიმისტურად ისაუბრა და რეპორტიორებს განუცხადა - "ჩვენ - მოთამაშეები, მწვრთნელი, სამწვრთნელო შტაბი" ბევრს ვმუშაობთ მიმზიდველი ფეხბურთის სათამაშოდ და ბოლოს დაამატა, რომ კლუბი ახლდება.

"ამის გაკეთებას ვცდილობთ, მაგრამ ჩემი აზრით, პრემიერ ლიგის რიტმში ძალიან რთულია განვითარება. ყოველკვირა ნახავთ ამას და არა მხოლოდ "მანჩესტერ იუნაიტედის" შემთხვევაში, არამედ სხვა გუნდებისაც. ნებისმიერმა შეიძლება მოიგოს ან წააგოს ნებისმიერ გუნდთან. იქნებ, პრემიერ ლიგაში უფრო რთულია, არ ვიცი, მაგრამ გაკეთებას ვცდილობთ.

იმედი გვაქვს, ისტორიას შევქმნით, მაგრამ დროა საჭირო. მაგრამ ეს უკვე ვთქვი მანამდე და აღარ გავიმეორებ, რადგან მერე გაჩნდება სათაურები: "ვან გაალი ისევ დროს ითხოვს!"

დღემდე სულ პროგრესი გვქონდა, ყოველთვის პროგრესია. თქვენ, ჟურნალისტებს შეგახსენებთ რას ამბობდით: "დაცვა, დაცვა, ეს არის პრობლემა". არა, არა. დაცვის ორგანიზება შემტევებით იწყება, მთელი გუნდით.

ახლა პრემიერ ლიგის საუკეთესო მცველები გვყავს და ამბობთ, რომ შეტევა გვიჭირს. არა, სიმართლე არ არის. ეს მხოლოდ პროცესის მომენტია. პრემიერ ლიგაში პირველ ადგილზე ვიყავით. ახლა ცუდი პერიოდი გვაქვს, რადგან ცუდი პერიოდია, როცა გოლები ვერ გაგაქვს. რადგან ფეხბურთი გოლების გატანაა.

ფეხბურთი არ არის პროცესი. ფეხბურთი შანსების შექმნაც არ არის. არა, ფეხბურთი არის ის, რომ გოლები უნდა გაიტანო, რადგან ეს ქმნის სხვაობას. ეს უნდა გავაუმჯობესოთ, ამით ვართ დაკავებული და იმედი მაქვს, მოსკოვის ცსკა-ს წინააღმდეგ გავიტანთ.

მაგრამ ვიცი, რომ რთული იქნება, რადგან ძალიან ორგანიზებულები არიან. ისინი უფრო დაცვას ითამაშებენ, ვიდრე "კრისტალ პალასი", მაგალითად. ასე რომ, რთული იქნება, მაგრამ გატანას მაინც ვეცდებით",
- განაცხადა ვან გაალმა.

მწვრთნელმა ასევე აღნიშნა, რომ გულშემატკივართა მხარდაჭერა ამ მატჩში ძალიან მნიშვნელოვანი იქნება.

"ჩვენ შედეგებში ღრმად შევტოპეთ და ამ სიღრმიდან უნდა ამოვიდეთ.

სწორედ ამიტომ გვჭირდება ქომაგთა მხარდაჭერა და აქამდე ვიღებდით კიდეც. მაგრამ იმედი მაქვს, მიუხედავად მრავალი დისკუსიისა, ჩემს ფეხბურთელებს მხარს დაუჭერენ, რადგან ჩემმა ფეხბურთელებმა ეს უნდა გააკეთონ. უფრო რთულია მოედანზე შესრულება, ვიდრე ის, რასაც მე ვაკეთებ, გაწვრთნა.

მოთამაშეებმა ეს უნდა გააკეთონ, ამიტომ გულშემატკივარმა მხარი უნდა დაუჭიროს. მაგრამ ძალიან ბედნიერი ვარ, რადგან გულშემატკივარი ამას ყოველთვის აკეთებდა და იმედი მაქვს, ხვალ მე-12 მოთამაშე იქნებიან",
- დაასრულა ჰოლანდიელმა.

წყარო: manutd.com
პრესკონფერენცია
8 კომენტარი
№1
ავტორი: RojoDiablo
3 ნოემბერი 2015 09:23
  • სიახლეები: 7065
  • კომენტარები: 8687
ყველაზე კარგად ლაპარაკი გამოსდის და კარგი ორატორი იქნებოდა. არა მგონია ვინმე დაკმაყოფილდეს იმით, რომ ერთი პოზიცია მეორის ხარჯზე დაბალანსდა. ძალიან მარტივი ფილოსოფიაა, თუ ვერ გაიტან, ვერ მოიგებ, გოლის გაშვება კი მაინცდამაინც წაგებას არ გულისმობს. როგორმე მიხედე ამას, რეალიზაციას, შექმნას, კომბინაციას, ფლანგებს, შორეულ დარტყმებს და რაღაც ეშველება გუნდს.
0
_ _ _ _ _ _ _ _ _ _ _ _ _ _ _ _ _ _ _ _
If You Can't Support Us When We Lose, Don't Support Us When We Win
№2
ავტორი: AkkRed
3 ნოემბერი 2015 10:25
  • სიახლეები: 74
  • კომენტარები: 4669
RojoDiablo,
შენ რომ წახვიდე მწვრთნელად არ გინდა? :დ

მეორე ბიძინაა ტიპი, მხოლოდ ილაპარაკოს მეტი არაფერი. უკვე მოსაბეზრებელია ამის ფილოსოფია, ფურცელზე დაწერილი ჭკვიანური აზრები, რომლებიც მხოლოდ ალბათ ქერებს მოხიბლავს. ქალური ლოგიკით განაგებს ყველაფერს და ცდილობს რაღაც აფსურდული ჩაგინერგოს გალოდინოს როდის მოვა ის წამი, როდესაც ყველაფერი დალაგდება.
0
№3
ავტორი: ilker
3 ნოემბერი 2015 11:16
  • სიახლეები: 1
  • კომენტარები: 290
რაც იმედს გვიტოვებს არის შარშანდელი ჩატარებული 3 თუ 4 მატჩი.

შარშან ვიძახდით მთავარია ლიგაზე გავიდეთ და მომდევნო სეზონში ყველაფერი დალაგდებათქო, აჰა! მოვიდა და რაა? ისევ სვარკა. ყველაზე მეტად ბოქსინგ დეის მეშინია. სავარაუდოდ, ტრამვები გახშირდება და ერთადერთი ნახევარდაცვას არ უნდა შეეტყოს ეგ.

ანჩელლტი რო მოვიყვანოთ კაი იქნება. ოღონდ დრო უნდა მისცენ
0
№4
ავტორი: Martial
3 ნოემბერი 2015 12:15
  • სიახლეები: 54
  • კომენტარები: 468
სხვა ვუნდებსაც ვუყურებთ და ჩვენსავით არავის უჭირს შეტევა ნუ გვაბოლებ ლუი :))
0
№5
ავტორი: GeorgeBest
3 ნოემბერი 2015 13:39
  • სიახლეები: 1729
  • კომენტარები: 12134
ქომაგთა მხარდაჭერა როდის გაკლდა ერთი winked შარშანდელივით ვერ გვივლიან გნდები გამონაკლისების გარდა მარა ეგ გამოსწორდა მაინც, სამაგიეროდ შეტევაში ვართ 0. შარშან როცა პერსი, ფალკაო, რუნი, დი მარია და სხვები გვყავდნენ მაშინ ვერ კეთდებოდა შეტევები და ეხლა რო კარსი ვერ ვარ***ვთ იდად აღარც მიკვირს
0
№6
ავტორი: chudikone
3 ნოემბერი 2015 17:26
  • სიახლეები: 385
  • კომენტარები: 3206
შენ შეგიტია გულმა
0
_ _ _ _ _ _ _ _ _ _ _ _ _ _ _ _ _ _ _ _
I saw my mate The other day, He said to me I’ve seen the white Pele
So I asked who is he, He goes by the name of Wayne Rooney.
Wayne Rooney
Wayne Rooney
He goes by the name of
Wayne Rooney!
№7
ავტორი: Count Alucard
3 ნოემბერი 2015 18:31
  • სიახლეები: 28
  • კომენტარები: 1979
გულშემატკივარი ყოველთვის გუნდის გვერდით არის, ეგ არასდროს ესლებათ მანჩესტერელებს, ყველაზე ცუდ მომენტშიც კი გუნდის გვერდით დგანან და სჯერათ გუნდის. ჯობია ლუიმ თავის საქმეს მიხედოს და ჰაერზე სიყვებით ნუ გვარწმუნებს, რომ ყველაფერი კარგადაა.
0
№8
ავტორი: Mufc7
3 ნოემბერი 2015 21:15
  • სიახლეები: 31
  • კომენტარები: 3018
''ოლდ ტრაფორდზე'' სიყვარულით მისული გულშემატკივარი ყოველთვისაა ხოლმე მეთორმეტე მოთამაშე. არ აქვს მნიშვნელობა, ვან გაალი იქნება გუნდის სათავეში თუ ვინმე სხვა. ისინი მიდიან ''მანჩესტერ იუნაიტედის'' საგულშემატკივროდ, ერთი მთლიანი გუნდის. ეს ასე იყო, არის და იქნება სულ
0
_ _ _ _ _ _ _ _ _ _ _ _ _ _ _ _ _ _ _ _ Money can't make history, history makes only legend, legend is only love. Love is MANCHESTER UNITED!
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

შემოგვიერთდი

წინა მატჩები

პრემიერ ლიგა

ჩამოშლა

შემოგვიერთდი

ყველა უფლება დაცულია

© MANUTD.GE 2012

Top