ფილ ჯონსი მზად არის "მანჩესტერ იუნაიტედის" შემადგენლობას დაუბრუნდეს, რათა მოსკოვის ცსკა-ს სამშაბათს ჩემპიონთა ლიგის მატჩში "ოლდ ტრაფორდზე" დაუპირისპირდეს.

მცველმა "კრისტალ პალასთან" შეხვედრა გამოტოვა, რადგან მწვრთნელის თქმით მისი ფიზიკური მდგომარეობა "წითელ ზონაში" იმყოფებოდა, თუმცა განაცხადს აქსელ ტუანზებეს ნაცვლად უბრუნდება.

მემფისი კვლავ ვერ მოახერხებს თამაშს, რამეთუ ჩემპიონთა ლიგის მატჩი ძალიან ადრე მოვიდა მისთვის, ხოლო ანტონიო ვალენსია და ლუკ შოუ კვლავ მკურნალობის პროცესს გადიან.

"ფილ ჯონსი ტუანზებეს ჩაანაცვლებს და ფილ ჯონსი სელექციას უბრუნდება, ამიტომ ჩემი არჩევანი სწორედ ფილია", - განაცხადა ვან გაალმა.

როცა ჰოლანდიის ნაკრების განაცხადში მემფისის ვერ მოხვედრისა და მისი ტრავმის შესახებ ჰკითხეს, მან უპასუხა: "ყოველ ფეხბურთელს სჭირდება მხარდაჭერა, როცა გუნდს ეთიშება და მემფისი გამონაკლისი არ არის.

ეროვნულ ნაკრებში იმიტომ არ გამოიძახეს, რომ ასე კარგად არ თამაშობს. ყოველთვის ასე ხდება - მოთამაშემ ყოველთვის კარგად უნდა ითამაშოს, სხვა შემთხვევაში, მას სხვა ფეხბურთელს შეადარებენ და მწვრთნელი არჩევანს გააკეთებს".

მორგან შნეიდერლინს რუსების წინააღმდეგ თამაში შეუძლია, მიუხედავად იმისა, რომ ვარჯიში გამოტოვა, როგორც მოგვიანებით გაირკვა, ეს პირადი მიზეზების გამო მოხდა. პედი მაკნეირი კი უბრუნდება ფორმის აღდგენას ნაკრებში დაშავების შემდეგ.

"მორგანს პირადი მიზეზები ჰქონდა, რაც საპატიოა და მისი მიზეზები გავიგე.

უნდა გავიმარჯვოთ, რა თქმა უნდა. სახლში, "მანჩესტერ იუნაიტედმა" ჩემპიონთა ლიგის ყველა თამაში უნდა მოიგოს. თქმა ადვილია, მაგრამ გაკეთება რთული, რა თქმა უნდა".

წყარო: manutd.com