"ოლდ ტრაფორდზე" გამართული მანჩესტერული დერბის შემდეგ, "იუნაიტედის" ინგლისელმა ლეგენდამ, პოლ სქოულზმა, ყოფილი გუნდის თამაში გააკრიტიკა და ისიც კი თქვა, რომ ვან გაალის გუნდში არავითარ შემთხვევაში არ ითამაშებდა.

ეს სიტყვები, რა თქმა უნდა, ლუის ყურამდეც მივიდა და ამჯერად მან საინტერესო განცხადება გააკეთა:

"თქვენ, ინგლისელებს, შესანიშნავი გამონათქვამი გაქვთ: "ქვებსა და ჯოხებს შეუძლიათ მომტეხონ ძვალი, თუმცა სიტყვები ვერაფერს დამაკლებენ" - ეს შესანიშნავი გამონათქვამია.

მე არ ვეთანხმები მის აზრს, თუმცა არ ვაპირებ თავის დაცვას. მე არც შემიძლია თავის დაცვა, რადგან ის არის კლუბის ლეგენდა და დიდი გავლენა აქვს, როგორც გავიგე. თუმცა, თუკი შენ ხარ ლეგენდა, მაშინ მწვრთნელთან უნდა ილაპარაკო ან შენს მეგობართან, მაგალითად, რაიანთან, ან თუნდაც ედ ვუდვარდთან. მას კი უხდიან და ამიტომ იძულებულია, ხმამაღლა ილაპარაკოს.

ამისდა მიუხედავად, მის სიტყვებს ჩემზე არანაირი გავლენის მოხდენა არ შეუძლია. იგი არ გრძნობს პასუხისმგებლობას, ამიტომ შეუძლია თქვას, რაც მოესურვება. თუმცა რატომ ამბობს იგი ხმამაღლა? გუნდის წარმატებისთვის თუ საკუთარი თავისთვის?

რას ამბობს ის, არ არის მნიშვნელოვანი. მე ვიცი, როდის იქნება დრო რომ წავიდე და წავალ. თუმცა მანამდე გავაკეთებ ყველაფერს გუნდისთვის, რადგან ჩვენ არაჩვეულებრივი ფანები გვყავს და ისინი იმსახურებენ ამას."

ვან გაალის აზრით, გულშემატკივარი გრძნობს, რომ გუნდი უმატებს და მისი ტაქტიკა სულაც არ არის მოსაბეზრებელი:

"მე ვფიქრობ, "მანჩესტერ იუნაიტედი" ყოველთვის სანახაობრივ ფეხბურთს აჩვენებს, მე გაზეთებშიც კი წავიკითხე, რომ თითქოს ჩვენ მოსაწყენად ვთამაშობთ, თუმცა არ მეგულება სტადიონი, სადაც ამდენი გულშემატკივარი იქნება ყოველ შეხვედრაზე."