ლუი ვან გაალი აღნიშნავს, რომ მისი გუნდის თავდამსხმელებს თავდაჯერებულობასთან დაკავშირებით პრობლემები არ აქვთ და ამის დადასტურებას ცსკა-სთან მატჩში ელოდება.

"მანჩესტერ იუნაიტედმა" "კრისტალ პალასთან" 0-0 ითამაშა და ახლა მთელი ყურადღება შუა კვირის მატჩზეა გადატანილი. "წითლებმა" რუსები უნდა დაამარცხონ, რომლებმაც სახლში ჩატარებული ბოლო ორი მატჩი მოიგეს - 2-0 და 2-1 - რათა ჩემპიონთა ლიგის მომდევნო ეტაპზე გასვლისკენ გაიკვალონ გზა.

როცა ჰკითხეს, მის თავდამსხმელებს მენტალური პრობლემა ხომ არ აქვთ კარის აღებასთან დაკავშირებით, მან უპასუხა: "ამას როგორ დავინახავ. როცა მათ ხასიათს ვაკვირდები, არ ვფიქრობ, რომ საკუთარ უნარებში დაეჭვდნენ. ეს შეიძლება ერთ მატჩში შეიცვალოს - დაე იყოს ცსკა, რადგან გამარჯვება გვჭირდება".

გულშემატკივარი "ოლდ ტრაფორდზე" აუცილებლად დაუჭერს მხარს საყვარელ გუნდს და ვან გაალი თვლის, რომ "კრისტალ პალასთან" მათი ჩანტების მოსმენა არანაირ პრობლემას არ წარმოადგენს.

"ვფიქრობ, გულშემატკივართა უფლებაა საკუთარი აზრის გამოხატვა.

პირველად, როცა უფრო ცუდად ვითამაშეთ გასვლაზე, "არსენალთან" მოხდა, ამიტომ ვფიქრობ, მათ ეს მშვენივრად ნახეს. შეუძლიათ იმღერონ ეს შემტევი ჩანტი, მაგრამ შემდეგ თამაშში შეიძლება სხვა რამეზე ამღერდნენ".

"იუნაიტედმა" უკანასკნელად გოლი 21 ოქტომბერს სწორედ მოსკოვის ცსკა-ს გაუტანა, როცა ენტონი მარსიალმა 65-ე წუთზე ანგარიში გაათანაბრა. "იმედი უნდა მქონდეს, რომ მოსკოველების წინააღმდეგ გავიტანთ, რადგან შემდეგ სხვანაირად დავილაპარაკებთ".

წყარო: manutd.com