უილფრიდ ზაჰამ, რომელსაც ოდესღაც "ინგლისის ფეხბურთის კიდევ ერთ მომავალ დიდებას" უწოდებდნენ, ჭორების შესახებ ისაუბრა, რომელიც "მანჩესტერ იუნაიტედში" მისი ყოფნის დროს დევიდ მოიესის ქალიშვილთან ურთიერთობას უკავშირდება.

სანამ ზაჰას იჯარის წესით "კარდიფ სიტიში" გაუშვებდნენ და შემდეგ "კრისტალ პალასს" მიჰყიდდნენ, ინგლისელი დევიდ მოიესის გუნდის მომავლად ითვლებოდა.

თუმცა საბოლოოდ ასე არ მოხდა, ამის მიზეზად კი პრესა ზაჰასა და მოიესის ქალიშვილის ურთიერთობას ასახელებდა, თავად უილფრიდის თქმით კი, ეს არაფერ შუაში იყო.

"მოიესის შვილს არც კი შევხვედრივარ. მაგრამ როგორც კი ხალხი მხედავს, ცუდი აზრი უჩნდება. ვერ ვხვდები რატომ. ამის გამოვლა ყოველდღე მიხდებოდა. სოციალურ ქსელში კომენტარები, გარეთ ხალხის ხუმრობა. იმ დღიდან მოყოლებული უნდა მცოდნოდა, რომ "იუნაიტედში" ვეღარ ვითამაშებდი. ჩემთვის ვიყავი, ამიტომ ვერავინ ვიპოვნე, ვისაც დაველაპარაკებოდი. იმ დროს დეპრესირებული ვიყავი. ბევრ რამეს ვგრძნობდი. როცა კარგად ვერ ვთამაშობ, საჭირო არ არის ვინმემ რამე მითხრას. საკუთარ თავს თვითონ ვსჯი. სტრესში ვარ, თუ რაღაც არ გამომდის", - განაცხადა ინგლისელმა.

წყარო: thesportbible