0-0, ერთი ქულა აიღეთ, სატურნირო ცხრილის ოთხეულში რჩებით. როგორ ვერდიქტს გამოიტანთ მატჩიდან?

არა მგონია, პოზიციურ თამაშს ვავითარებდეთ. ბურთი ისევე ადვილად ვერ გვიჭირავს, როგორც ჩვეულებრივ. და ეს იმიტომ, რომ პოზიციებს ვკარგავთ. ამიტომ "კრისტალ პალასმა" საკუთარი თამაში ააგო, ბურთი დაიჭირა და უფრო მეტი ზეწოლა მოახდინა. მაგრამ არცთუ ბევრი მომენტის შექმნის საშუალება მივეცით. დღეს ყველაზე მნიშვნელოვანი ის იყო, რომ ბურთი ვერ დავიჭირეთ, ფეხბურთში კი ეს ძალიან მნიშვნელოვანია. სწორედ ამიტომ ვერ ვქმნიდით მომენტებს. დღესაც შეგვეძლო გამარჯვება, მაგრამ უნდა ვთქვა, რომ საბოლოო ანგარიშზე ვერ დავიჩივლებ.

რას იტყვით იმის შესახებ, რომ ეს მესამე უგოლო მატჩია? რამდენად გაფრთხობთ თქვენ, გოლების მოყვარულს, შეტევა?

დიახ, ეს დიდი პრობლემაა, მაგრამ ამის შესახებ მეორე მატჩის შემდეგაც ვისაუბრე, განსაკუთრებით იმიტომ, რომ "მიდლსბროსთან" ბევრი მომენტი გვქონდა. მაგრამ ვერ გამოვიყენეთ. ახლა კი ასე ბევრი მომენტი არ შეგვიქმნია, ამიტომ უფრო რთული იყო. მაგრამ მაინც ძალიან კარგი შანსი გვქონდა - ერერა, პირველი ტაიმის ბოლო წუთი. დიახ. ასეთი მომენტები უნდა გამოიყენო.

ყველაფერი სხვაგვარად იქნებოდა ეს რომ გაგეკეთებინათ, არა? საბოლოოდ, ოფიციალური სტატისტიკის თანახმად, მხოლოდ ერთხელ დაარტყით კარში.

დიახ.

და ეს არცთუ კარგია თქვენთვის.

დიახ, რა თქმა უნდა. მაგრამ ეს უკვე ავხსენი. ვერ იჭერ ბურთს - ვერ შექმნი მომენტს.

გულშემატკივართა უკმაყოფილებას გრძნობთ, რომლებიც ყვირიან: "შეტევაში! შეტევაში! ჩვენ "მანჩესტერ იუნაიტედი" ვართ! უფრო მეტი უნდა გავაკეთოთ!"?

შემიძლია წარმოვიდგინო, რადგან გულშემატკივრებისთვის ვთამაშობთ და "კრისტალ პალასი" უფრო მეტ ზეწოლას ახდენდა, ვიდრე ჩვენ. ასეთი რამ მოსალოდნელი იყო.

რაც შეეხება გატანილ გოლებს, უბრალოდ ასეთი პერიოდია? თუ ფიქრობთ, რომ საქმე თავდაჯერებულობაშია? თუ უბრალოდ საჭირო დროს საჭირო ადგილას უნდა იყო და გაიტანო?

ამის იმედი მაქვს.