"მანჩესტერ იუნაიტედის" ახალგაზრდა ნახევარმცველი, რომელიც დღეს შეიძლება მოედანზე ვიხილოთ, მოგვითხრობს, თუ რას ასწავლიან გუნდში.

"პსვ ძალიან დამეხმარა, როცა პატარა ვიყავი, "იუნაიტედმა" კი მაქცია იმ ფეხბურთელად, რომელიც ახლა ვარ. კლუბმა მომცა ყველაფერი, რაც უნდა ვისწავლო და ამას ყოველდღე ვაკეთებ. "იუნაიტედში" ასწავლიან, თუ როგორ უნდა მოიქცე არასაფეხბურთო მოედანზე - როგორ მოვიქცეთ კლუბის თანამშრომლებთან, ოჯახთან. ასწავლიან, როგორ გავხდეთ ნამდვილი ადამიანი. ძალიან მნიშვნელოვანია, რომ კლუბს მხოლოდ ფეხბურთი არ ადარდებს.

დიდებულია, რომ მთავარ მწვრთნელთან მუშაობის შესაძლებლობა მაქვს. თუ ხედავს, რომ ცდილობ და ვარჯიშებზე კარგად მოქმედებ - გუნდში ხვდები. ერთმანეთს ვენდობით და მომწონს მუშაობა ადამიანთან, რომელიც მზად არის, შანსი მოგცეს. თუ რამეს ისე ვერ ვაკეთებ - მეუბნება, თუ რამე კარგად გამომდის - ამასაც აღნიშნავს. ყველაფერში მეხმარება", - განაცხადა ანდრეასმა.

პერეირა, რომლის ერთ-ერთი სპეციალიზაცია საჯარიმო დარტყმების შესრულებაა, მოგვითხრობს ,თუ რა ეხმარება მას ბურთთან მისვლისას თავდაჯერებულობაში,

"როცა შესაძლებლობა მეძლევა საჯარიმო შევასრულო, მანამდე კი ასეთ დარტყმებზე ბევრს ვარჯიშობდი, გეუფლება შეგრძნება, რომ ახლა გაიტან. ეს თავდაჯერებულობას განიჭებს და, რა თქმა უნდა, ყოველთვის კარგია ბადეში გასახვევი ბურთის ცქერა. ჯარიმების დამუშავებას ბევრ დროს ვუთმობ, მაგრამ ასევე მინდა, ჩემი თამაშის სხვა ასპექტებიც დავხვეწო. კარში დარტყმებს ვამუშავებ, დრიბლინს - საერთოდ, ყველაფერს.

"იმედი მაქვს, ოთხშაბათს მოედანზე გასვლის შანსი მომეცემა. იმედი მაქვს, მწვრთნელის წინაშე თავს გამოვიჩენ, თანაგუნდელებსა და გულშემატკივრებს მოვხიბლავ".

წყარო: manutd.com