აიტორ კარანკამ "მიდლსბროში" გადასვლის შემდეგ ნიჭიერი მწვრთნელის რეპუტაცია შეიქმნა.

"ბოროს" აიტორი 2013 წლიდან წვრთნის, მანამდე კი ესპანეთის 16-წლამდელთა ნაკრების მთავარი და მადრიდის "რეალში" ჟოზე მოურინიოს დამხმარე მწვრთნელი იყო.

თავის პირველ სეზონში ფინალური პლეი-ოფის სტადიაში კლუბის გაყვანის შემდეგ, კარანკა კვლავ ცდილობს "მიდლსბროს" გადაყვანას პრემიერ ლიგაში.

"მანჩესტერ იუნაიტედთან" ინგლისის ლიგის თასის მატჩის წინ კარანკამ აღიარა, რომ ლუი ვან გაალთან დაპირისპირებით გამოცდილების მიღების იმედი აქვს.

"ვან გაალის გუნდის წინააღმდეგ ვითამაშე, როცა "ბარსელონას" მწვრთნელი იყო, ჟოზე კი მისი ასისტენტი, მაგრამ მასთან არასდროს მისაუბრია და კარგად არ ვიცნობ.

თუმცა ჟოზემ მისი შედეგების, თასებისა და კარიერის შესახებ მომითხრო და ტოპ, ტოპ-მწვრთნელია.

საინტერესო მწვრთნელია და ჩემთვის განსაკუთრებით საინტერესოა, რადგან მე ჟოზესგან ვისწავლე, მან კი ლუისგან. გაკვეთილებს ჟოზესგან ვიღებდი, ამიტომ ვიფიქრებ, რომ ვან გაალისგანაც მივიღე.

ჟოზე ყოველთვის კარგად საუბრობს ვან გაალის შესახებ და თქვა, რომ მასთან ერთად მუშაობისას ბევრი რამ ისწავლა.

მითხრა, რომ სხვადასხვა რამის შერწყმა მოახდინა, როგორც ყველამ, რათა საკუთარი თავი გაეუმჯობესებინა. ურთიერთობისგან ყველამ დადებითი უნდა მიიღოს და ვან გაალს მართლაც პოზიტიურად აფასებს.

დამოუკიდებელი მწვრთნელი ვარ, მაგრამ როგორც მასწავლეს, უმჯობესი იქნება, თუ ძლიერი ურთიერთობებისგან, რომელიც მქონდა, პოზიტიურ რამეს მივიღებ", - განაცხადა აიტორ კარანკამ.

წყარო: M.E.N.