"მანჩესტერ იუნაიტედის" მცველმა, კრის სმოლინგმა აღიარა, რომ ზედმეტსახელი "მაიკი", ალბათ, სამუდამოდ შემორჩება.
ერთ-ერთ პრესკონფერენციაზე ლუი ვან გაალმა თავისი კლუბის წამყვან მცველს მაიკ სმოლინგი უწოდა.
მწვრთნელის ეს შეცდომა კი პრესამ და გულშემატკივარმა აიკვიატა.
"მოთამაშეები ასე არ მეძახიან, მაგრამ გულშემატკივართა უმრავლესობა ასე იქცევა. ჩადიხარ რუსეთში ან სადმე და ყოველთვის ისმის: "მაიკ, მაიკ მაიკ". როგორც ჩანს, სამუდამოდ მომეწება", - განაცხადა სმოლინგმა.
25 წლის მცველმა ასევე აღნიშნა, რომ მოწინააღმდეგის კართან ყოფნისას თავისი შედეგიანობის გაუმჯობესება სურს.
"ვფიქრობ, ყოველ მწვრთნელს სურს, რომ ყველა ფეხბურთელმა გაიტანოს. ცენტრალური მცველის რანგში ვალდებული ხარ სეზონში სტანდარტული მდგომარეობებიდან 4-5 გოლი გაიტანო. ასეთია ჩემი მიზანი.
ახლა მომენტები მექმნება და იმედი მაქვს მომავალშიც ასევე აქტიური ვიქნები მოწინააღმდეგის კართან, რითაც თავდამსხელებს საქმეს გავუადვილებ", - დაამატა სმოლინგმა.