პრემიერ ლიგის მე-10 ტურიც უკან მოვიტოვეთ, ამ ხნის განმავლობაში კი მოდუნებისა და დასვენების საშუალება თითქმის არ მოგვცემია, გასული უქმეებიც ძალიან საინტერესო გამოდგა. მართალია, მანჩესტერულ დერბიზე ამას ვერ ვიტყვით, თუმცა როგორც პრემიერ ლიგას ეკადრება, კვლავ ბევრი მოულოდნელი და სენსაციური შედეგები დაფიქსირდა. დაძაბული ბრძოლა გრძელდება Redarmy.ge-ს ფენტეზი ლიგაში, სადაც კვლავ უამრავი ცვლილება ხდება და ყოველი ტურის შემდეგ ახალ-ახალი ლიდერები გვევლინებიან. შემოგთავაზებთ ათეულს, რომელიც ამ დროისთვის ლიდერობს Redarmy.ge-ს ლიგას:



ახლა კი წარმოგიდგენთ გუნდს, რომელმაც გიორგი აფხაიძეს 66 მოუტანა და ამ ტურის ლიდერად აქცია. როგორც ხედავთ, გიორგი ათეულის წევრიც არ არის, თუმცა ასეთი კარგი შედეგის შემდეგ, აუცილებლად იბრძოლებს იქ მოსახვედრად:



ყოველი ტურის შემდეგ დაიდება ანალოგიური სტატია, სადაც საუკეთესო ათეულისა და ტურის საუკეთესო გუნდის სურათი იქნება. ამასთან, მოდი ვნახოთ, ის თერთმეტეული, რომელმაც ყველაზე მეტი ქულა მოაგროვა და "ოცნების გუნდის" სახელითაა ცნობილი:



ტურის საუკეთესო მექულე ჰარი კეინი გახდა, რომელმაც, როგორც იქნა, მოახერხა თავისი თამაშის პოვნა და პრემიერ ლიგის დებიუტანტებს 3 გოლიც გაუტანა, ამისთვის მან 17 ქულა დაიმსახურა.

აქვე მინდა გაგაფრთხილოთ და გაცნობოთ, რომ თუკი თქვენ გყავთ მოთამაშე, რომელსაც ნარინჯისფერი ან წითელი უჯრა უნთია, მოერიდეთ მის ძირითადში დაყენებას, რადგან მათი თამაში საეჭვოა. ასეთები კი არიან:



პრემიერ ლიგის მე-11 ტური 31 ოქტომბერს დაიწყება და 2 ნოემბერს "ტოტენჰემი"-"ასტონ ვილას" მატჩით დასრულდება, "მანჩესტერ იუნაიტედი" კი ლონდონში გაემგზავრება და ადგილობრივ "კრისტალ პალასს" დაუპირისპირდება.



მომავალ შეხვედრამდე, გისურვებთ წარმატებებს !!!