ჰოლანდიელი მწვრთნელი ჟურნალისტების კითხვაზე პასუხის გაცემას აღარ აპირებს. ლუი ვან გაალმა "სიტისთან" მატჩის შემდეგ პრესას განუცხადა, რომ დაიღალა რუნიზე კითხვების დასმით, რომელთაც ყოველთვის ერთი და იგივე შინაარსი აქვს.

დერბიში უეინს საგოლე შანსები არ ჰქონია. მას კარში არ დაურტყამს. მეტოქის საჯარომოსთან ბურთს ერთხელ შეეხო. 28-ჯერ დაკარგა ბურთი, რაც გუნდში ყველაზე ცუდი შედეგია.

"რუნიზე ყოველ კვირას მიწევს საუბარი, რატომ? თქვენ თქვენი აზრი გაქვთ, რომელიც შეგიძლიათ, დაწეროთ. დავიღალე, მეტჯერ აღარ გავცემ პასუხს უეინის შესახებ კითხვებს" - განაცხადა "იუნაიტედის" მენეჯერმა.

"იუნაიტედისთვის" გასული მატჩი პირველი იყო 2003/04 წლების სეზონის შემდეგ, სადაც გუნდმა პირველ ტაიმში ზუსტი დარტყმის შესრულება ვერ შეძლო.

წყარო: skysports.com