პრემიერ ლიგის მე-10 ტურის ცენტრალური მატჩი "ოლდ ტრაფორდზე" გაიმართა, სადაც ერთმანეთს "მანჩესტერ იუნაიტედი" და "მანჩესტერ სიტი" დაუპირისპირდნენ. დერბი არცთუ სანახაობრივი გამოდგა და მომენტებიც თითქმის არ შექმნილა, მატჩი ფრედ, 0-0 დასრულდა.

ყველაზე რეალური მომენტები ვან გაალის გუნდს ჰქონდა. ერთ ეპიზოდში მარსიალის პასის შემდეგ შეცვლაზე შემოსული ლინგარდი ურტყამდა, თუმცა ბურთი ხარიხას მოხვდა. მეორე ეპიზოდში კი სმოლინგს ჰარტმა აჯობა და პრემიერ ლიგაში მე-100 "მშრალი" მატჩი მიითვალა.

10 ტურის შემდეგ "წითელი ეშმაკები" 20 ქულით მე-4 ადგილს იკავებენ და 2 ქულით ჩამორჩებიან პირველადგილოსან "სიტის".

მანჩესტერ იუნაიტედი – მანჩესტერ სიტი 0-0

სტადიონი: “ოლდ ტრაფორდი”
გაფრთხილებები: მატა, შნეიდერლინი, ფერნანდინიო, კომპანი.
მსაჯი: მარკ კლატენბურგი

შემადგენლობები

მანჩესტერ იუნაიტედი: დე ხეა, ჯონსი, სმოლინგი, როხო, ვალენსია (დარმიანი 81'), შვაინშტაიგერი (ფელაინი 75'), შნეიდერლინი, მატა (ლინგარდი 67'), ერერა, მარსიალი, რუნი.

მანჩესტერ სიტი: ჰარტი, ოტამენდი, მანგალა, კოლაროვი, სანია, ფერნანდო, ფერნანდინიო, ტურე (დემიკელისი 77'), სტერლინგი (ნავასი 55'), დე ბრუინი, ბონი (აიჰენაჩო 83').