"იუნაიტედის" თამაშზე
"ფეხბურთელებით კმაყოფილი ვარ, რადგან ვფიქრობ, რომ რთული 90 წუთი კარგად ჩავატარეთ. ორივე გუნდი ტაქტიკურად თამაშობდა, კომპაქტურად და ორგანიზებულად. "სიტიმ" საკუთარი შემადგენლობა ზუსტად ჩვენს ტაქტიკას მოარგო, ცვლილებებიც ამაზე მეტყველებდა.
"სევილიას" წინააღმდეგ მათ ორი თავდამსხმელით ითამაშეს, ახლა კი -ერთით. რთული მატჩი იყო, შანსები გვქონდა, მაგრამ ვერცერთი დავასრულეთ და ეს სამწუხაროა, როგორც ჩვენთვის, ასევე ფანებისთვის. დღევანდელ დერბიში მაქსიმალურად კონცენტრირებულები ვიყავით და მოგებასაც ვიმსახურებდით, მაგრამ ყოველთვის იმას ვერ ვიღებთ, რასაც ვიმსახურებთ"

"იუნაიტედის" დაცვაზე
"ჩვენი დაცვა მეტოქეს შეტევის საშუალებას არ აძლევდა. მაგრამ ეს მხოლოდ დაცვითი ხაზის დამსახურება არაა. ჩვენი გუნდის დაცვა რუნისგან იწყება. სამწუხაროდ, "არსენალთან" არ გამოგვივიდა ის, რაც დღეს შევძელით"

"იუნაიტედი", როგორც ტიტულის კანდიდატი
"ვფიქრობ, ფანებიც ამაყები უნდა იყვნენ ჩვენი ფეხბურთელებით ამ მატჩის შემდეგ. როცა მოედნიდან გავდიოდით, ისინი ტაშს გვიკრავდნენ. მათ დაინახეს, რომ მატჩს ვაკონტროლებდით. ისინი იმედგაცრუებულებიც არიან, რადგან ჩვენგან ასეთ მატჩებში მოგებას ელიან. დღევანდელი თამაში მომავლის იმედს ნამდვილად გვაძლევს"

უნდა დაედო თუ არა მსაჯს პენალტი სტერლინგი-ერერას მომენტში?
"იმედგაცრუებული ვარ, რადგან ვიდეო რამდენიმეჯერ ვნახე და ეს პენალტი იყო, მაგრამ არ გაგვიმართლა, მსაჯმა სხვა გადაწყვეტილება მიიღო. რა თქმა უნდა, მსაჯისთვის ამ მომენტის დანახვა რთული იყო, მაგრამ ვიდეოში კარგად ჩანს, რომ სტერლინგი არა ბურთს, არამედ ერერას ეხება. თუმცა ეს გასამართლებელი მიზეზი არ არის, სხვა შანსები აუცილებლად უნდა გამოგვეყენებინა"

ლინგარდის მომენტზე
"გამიკვირდა, რადგან ამ სიტუაციაში დარტყმა ძალიან რთული იყო და მან ეს მოახერხა. ეს შანსი საკმარისი არ იყო, მეტოქე ორგანიზებული და კონცენტრირებული იყო, ისინი კონტრშეტევებს გვეთამაშებოდნენ. შეგვიძლია, დღევანდელი მატჩი მოსკოვისას შევადაროთ, მაგრამ დღეს "იუნაიტედის" ძალა გამოჩნდა."

წყარო: manutd.com