"მანჩესტერ იუნაიტედის" მთავარმა მწვრთნელმა, ლუი ვან გაალმა განაცხადა, რომ მზად არის ზამთრის სატრანსფერო ფანჯარაზე მხოლოდ ერთი შენაძენით შემოიფარგლოს.

"წითელი ეშმაკების" მთავარი მწვრთნელის პოსტზე ლუი ვან გაალის დანიშვნის შემდეგ ფეხბურთელების შეძენას კლუბმა 250 მლნ. ფუნტზე მეტი დაახარჯა და გუნდიდან გაუშვა 12 მოთამაშე, რომელთაგან რამდენიმემ უკვე საბოლოოდ დატოვა "ოლდ ტრაფორდი".

ჰოლანდიელი მწვრთნელი არ მალავს, რომ პატარა გუნდთან ერთად მუშაობას ამჯობინებს, მაგრამ მზად არის კიდევ ერთი ფეხბურთელი მიიღოს.

"მცირე გუნდების მჯერა, რადგან პერსპექტივა გჭირდება, თორემ შენი მოტივაცია საეჭვო ხდება. ყოველთვის ვამჯობინებდი მცირე რაოდენობის მოთამაშეები მყოლოდა. ვფიქრობ, პრემიერ ლიგაში ყველაზე ცოტა ფეხბურთელი მყავს.

გასულ წელს 24 მოთამაშე გვყავდა. 15 გავყიდეთ და 12 ვიყიდეთ. წელსაც გავყიდეთ და იჯარით გავუშვით ფეხბურთელები. 10 წავიდა, 6 მოვიდა.

ვფიქრობ, 22 ფეხბურთელი და სამი მეკარე საკმარისია, ამიტომ მხოლოდ ერთი ფეხბურთელი მაკლია", - განაცხადა ვან გაალმა.

წყარო: M.E.N.