ლუი ვან გაალი აცხადებს, რომ მანჩესტერის დერბი ქალაქის მთავარი თემაა, თუმცა "იუნაიტედის" ბოსი ემოციებზე აყოლას არ აპირებს.

"წითელ ეშმაკებს" 170-ე დერბიში გამარჯვებით პრემიერ ლიგის ცხრილის ლიდერის, "სიტის" გადასწრება შეუძლიათ.

"იუნაიტედს" უფრო ნაკლები დრო ჰქონდა მატჩისთვის მოსამზადებლად, რამეთუ ჩემპიონთა ლიგის მატჩიდან მხოლოდ ხუთშაბათს დაბრუნდა, მაგრამ ვან გაალს სჯერა, რომ მისი შეგირდები მზად იქნებიან.

"ვფიქრობ, გულშემატკივართათვის ძალიან ემოციურია. პატარა სოფელში ვცხოვრობ და დერბი მთელი ქალაქის სასაუბრო თემაა.

მაგრამ ჩემთვის ეს მთავარი არ არის, რადგან უნდა ვიმუშაო რაციონალურად და არა ემოციურად. ჩვენი თამაში უნდა მოვამზადოთ; ერთი დღით ნაკლები გვაქვს, ასე რომ, ძალიან რთულია.

შეხვედრები უფრო ნაკლებ დროში უნდა მოვაწყოთ. ფეხბურთელებისთვისაც უფრო რთულია, მაგრამ ეს უნდა გავაკეთოთ. ჩვენც სწორედ ამას ვაკეთებთ და იმედი მაქვს, "მანჩესტერ სიტის" დავამარცხებთ".

"მანჩესტერში ხალხი მატჩზე საუბრობს. წარმომიდგენია, რადგან "მანჩესტერ სიტის" ბევრი გულშემატკივარი ჰყავს, თუმცა "მანჩესტერ იუნაიტედს" უფრო მეტი, ამიტომ ბრძოლა იქნება.

არა მგონია, ჩვენთვის დიდ რამეს წარმოადგენდეს ის, რომ "მანჩესტერ სიტიმ" კარგად დაიწყო, რადგან ასეთ რამეს "სიტის" მსგავსი კლუბისგან უნდა ელოდე. უბრალოდ დერბი არ არის, ამ მატჩში გამოჩნდება, ვინ არის მზად პირველი ადგილის დასაკავებლად.

გასულ წელს ძალიან კარგი დერბი გვქონდა, რა თქმა უნდა, 4-2 მოგება და ესეც მნიშვნელოვანია გულშემატკივართათვის. იმედი მაქვს, კვლავ მოვახერხებთ, მაგრამ ყოველთვის რთულია.

თუ "იუნაიტედი" მოიგებს, დიდი ჭიქით ღვინოს ავიღებ და ჩვენი გამარჯვების სადღეგრძელოს დავლევ", - განაცხადა ვან გაალმა პრესკონფერენციაზე.



წყარო: manutd.com