"მანჩესტერ იუნაიტედის" ლეგენდა, პოლ სქოულზი თვლის, რომ ზეწოლის ქვეშ იმყოფება "იუნაიტედის" კაპიტანი და არა ფრანგი თავდამსხმელი.

19 წლის მარსილმა, რომელიც "მონაკოდან" შეიძინა "იუნაიტედმა", ჯერჯერობით ყველანაირ მოლოდინს აჭარბებს და მასში გადახდილი თანხის მართებულობაზე ეჭვს არ აჩენს.

ცსკა-სთან დაშვებული შეცდომის შემდეგაც კი მოახერხა ფრანგმა და თავისი ქმედება გატანილი გოლით გამოასწორა.

თავისი ახალგაზრდა კოლეგის ფონზე რუნი ცუდად გამოიყურება. რუნიმ, რომელიც შაბათს 30 წლის იუბილეს აღნიშნავს, მხოლოდ ორი გოლის გატანა მოახერხა პრემიერ ლიგის მიმდინარე სეზონში და სქოულზი ამას ყურადღებას აქცევს.

"მარსიალი ჯერ კიდევ ახალგაზრდაა, მხოლოდ 19 წლის. კლუბში სულაც არ მოსულა დიდებული ფორვარდის რეპუტაციით. ვფიქრობ, ზეწოლა არა მასზე, არამედ კვლავ უეინზეა.

ჩვენს დროში ოთხი ფორვარდი გვყავდა, რომელთან სეზონში 20-30 გოლის გატანა შეეძლოთ. ამჟამინდელ გუნდს არ ჰყავს. რუნი უდიდესი ზეწოლის ქვეშაა", - განაცხადა სქოულზმა BT Sport-ის პირდაპირ ეთერში.

წითურმა ექსპერტმა ასევე უკმაყოფილება გამოხატა ცსკა-სთან "წითელი ეშმაკების" თამაშით.

"უყურებ "იუნაიტედს" და ვერც კლასს ხედავ, ვერც მოძრაობას. ფეხბურთელები უბრალოდ არ დარბიან. ასეთ თამაშს სთხოვენ?

ყველაფერი, რასაც ისინი აკეთებენ, ეს არის უსაფრთხო გადაცემები მოედნის ირგვლივ. ვერ ვიხსენებ ვერც ერთ პასს რუნისთვის მიწოდებულს. არავითარი მოძრაობა.

გყავს მოედნის ცენტრის მოთამაშეები, რომელთაც სირბილი შეუძლიათ: ანდერ ერერა, ჯესი ლინგარდი, ენტონი მარსიალი. მიეცი პასი რუნის და გაიქეცი წინ, მაგრამ ამის გაკეთებაზე არავინ ფიქრობს", - დაამატა სქოულზმა.

წყარო: dailymai