ბასტიან შვაინშტაიგერი სასამართლოში საჩივრის შეტანის შესაძლებლობას განიხილავს სათამაშოების მწარმოებელი კომპანიის წინააღმდეგ, რისი მიზეზიც ნაცისტური თოჯინა გახდება, რომლის გამომეტყველება "მანჩესტერ იუნაიტედის" ნახევარმცველს გვახსენებს და სახელად "ბასტიანი" ჰქვია.

გერმანულმა გაზეთმა Bild პირველმა მიაპყრო ყურადღება თოჯინასა და გერმანიის ნაკრების ნახევარმცველს შორის მსგავსებას მიმდინარე კვირის დასაწყისში გამოქვეყნებულ სტატიაში. მასში მოცემული იყო მოცემული კომპანიის საზოგადოებასთან ურთიერთობის დირექტორის, პატრიკ ჩანის სიტყვებიც, რომელმაც დაადასტურა, რომ ნებისმიერი მსგავსება შვაინშტაიგერთან სინამდვილეში აბსოლუტური შემთხვევითობა იყო.

"არ ვყიდით სათამაშოებს, რომლებიც ფეხბურთელებს გვაგონებენ. სუფთა დამთხვევაა, რომ ჩვენი "ბასტიანი" შვაინშტაიგერს ჰგავს.

ვფიქრობთ, რომ ნებისმიერი გერმანელი სწორედ ასე გამოიყურება. ხოლო "ბასტიანი" - გერმანიაში ძალიან გავრცელებული სახელია", - განაცხადა პატრიკ ჩანმა.



მიუხედავად ამ გამოთქმებისა, კომპანიის წარმომადგენლები, რომლებიც შვაინშტაიგერის იმიჯს მართავდნენ, პირდაპირი გაგებით შეწუხებულნი არიან. გერმანულ საიტ SPORT1-ს დაუდასტურეს, რომ 31 წლის ფეხბურთელი სარჩელს შეიტანს, თუ დაამტკიცებს, რომ მისი გამოსახულების ნებართვის კანონები დარღვეული სათამაშოს მწარმოებლის მიერ.

"ეს შვაინშტაიგერის გამოსახულების გამოყენების უფლების სრული დარღვევაა. ამასთან ერთად, ბასტიანის გამოსახულება ვერმახტის ჯარისკაცის რანგში სვასტიკასთან ერთად, ასევე შეურაცხყოფის ელემენტია", - განაცხადა ადვოკატმა ულრიხ ამელუნგს.

სტატიაში ასევე ნახსენებია, რომ მსგავს წინა შემთხვევებში კომპენსაციის თანხა "ექვსნიშნა რიცხვით" არის აღნიშნული.

წყარო: thetelegraph