მატჩის მიმდინარეობა: "ენტონი მარსიალისგან სულელური ქმედება იყო ცსკა-სთვის პენალტის მიცემა, მაგრამ შესაძლოა, მანამდე თამაშგარე უნდა ყოფილიყო. სკამიდან ვფიქრობდი, რომ იყო, მაგრამ არ ვიცი. პირველად მოხდა, რომ ასეთი რამ გააკეთა და ოდესღაც ყველაფერი პირველად ხდება! მაგრამ ძალიან არ გაგვიმართლა, რადგან ჩემი აზრით, მატჩს ვაკონტროლებდით. არა მგონია, პირველ ტაიმში ბურთი სწრაფად გაგვეთამაშებინა, ძალიან ნელი იყო. ეს მეორე ტაიმში გავაუმჯობესეთ და ფანტასტიკური გოლი გავიტანეთ. შეგვეძლო მოგვეგო, მაგრამ "შეგვეძლო" ფეხბურთში არ ითვლება".

შესვენებაზე ნათქვამის შესახებ: "ჩემს ფეხბურთელებს უბრალოდ რჩევა მივეცი იმის შესახებ, თუ როგორ შეგვეძლო მატჩის მოგება, რადგან ეს გაცილებით მნიშვნელოვანია, ვიდრე გაბრაზება. მარსიალისნაირი რეაქციები - დიახ, სულელური იყო, მაგრამ ადამიანები ვართ და ასეთი რამ ხდება. გაბრაზება არ არის შესაფერისი სიტყვა, უფრო იმედგაცრუება, რადგან ბურთს ძალიან ნელა ვათამაშებდით. ბურთი დიდხანს გვქონდა, მაგრამ ამისგან რამე უნდა შექმნა, ჩვენ კი ვერ ვქმნიდით. სწორედ ამიტომ შევცვალე სქემა და ფეხბურთელები და ვფიქრობ, მეორე ტაიმი უკეთესი იყო, რომელშიც მოგებას ან იქნებ გამარჯვებასაც ვიმსახურებდით".

რამაც მეორე ტაიმში ასიამოვნა: "მაღალ ტემპში ვთამაშობდით. ფლანგიდან ფლანგზე გადაგვქონდა ბურთი და სწორედ ამიტომ გავიტანეთ გოლი, შევქმენით შანსები და ბევრი საშუალება არ მივეცით".

მარსიალისვის პატიების შესახებ, როცა მან გაათანაბრა: "რა თქმა უნდა! კვლავ ძალიან მონდომებულად თამაშობდა და ყოველთვის ასე თამაშობს, ძალიან თანმიმდევრულია. 19 წლის ბიჭის კვალობაზე მომწონს".

იქნება თუ არა ეს მნიშვნელოვანი "ქამბექი" დერბის წინ: "დიახ, ასე მგონია. ჩემი გუნდის სულისკვეთების შესახებ ვერ დავიჩივლებ. ძალიან ვამაყობ ჩემი ფეხბურთელების გამო, რომ ამის თქმა შემიძლია, რადგან გასულ წელს ერთხელ ვთქვი, რომ კარგი არ იყო. ყოველთვის პატიოსანი ვარ და ამას ჩემს ფეხბურთელებს გასახდელ ოთახში ვეუბნები. ახლა კი თქვენც გეტყვით, რადგან თქვენთანაც პატიოსანი ვარ".

წყარო: manutd.com