მარუან ფელაინი ფიქრობს, რომ "მანჩესტერ იუნატედი" მოსკოვში ოთხშაბათს ღამით ტაქტიკური ბრძოლისთვის უნდა იყოს მზად, როგორც ეს "გუდისონ პარკზე" შეძლეს.

"წითელ ეშმაკებს" ყოველთვის უჭირდათ "გუდისონ პარკზე" თამაში, მაგრამ ლუი ვან გაალის შეგირდებმა ბოლო მატჩში 0-3 იმარჯვეს.

ყურადღება ახლა ჩემპიონთა ლიგის დღევანდელ მატჩზეა გადატანილი, რომელშიც "იუნაიტედი" მოსკოვის ცსკა-ს შეხვდება. B ჯგუფში მყოფ ოთხივე გუნდს - "იუნაიტედი", ცსკა, "ვოლფსბურგი", პსვ - სამ-სამი ქულა აქვთ.

ფელაინი არენა ხიმკიზე რთულ დაპირისპირებას ელოდება, მაგრამ გრძნობს, რომ "იუნაიტედი" ამისთვის მზად იქნება.

"ჩემთვის ევროპული მატჩები უფრო მეტად ტაქტიკურია. დიდებული გუნდების წინააღმდეგ ვთამაშობთ, მაგრამ ეს განსხვავებული ტიპის ფეხბურთია. ინგლისში უფრო შეტევა, შეტევა, შეტევა. ევროპაში უფრო ტაქტიკა.

ორივე გუნდს სურს გამარჯვება და ორივე გუნდისთვის უცხო იქნება შიდა ფეხბურთთან შედარებით. ვიცით, როგორ ვითამაშოთ; მწვრთნელმა და სამწვრთნელო შტაბმა მოწინააღმდეგის მონაწილეობით მრავალი თამაში ნახა, ასე რომ, ვიცით როგორ უნდა ვითამაშოთ", - განაცხადა ბელგიელმა.

ოთხსაათიანი ფრენა მოსკოვის მიმართულებით "წითლებისთვის" ჩვეულზე უფრო ხანგრძლივი იყო, მაგრამ ფელაინი აღნიშნავს, რომ მგზავრობა და დატვირთვა ფეხბურთის ნაწილია: "პროფესიონალები ვართ და ეს უნდა გავაკეთოთ".

რაც შეეხება კერძოდ თამაშს და "ვოლფსბურგთან" გამარჯვების შემდეგ მეორე გამარჯვების მოპოვების მნიშვნელბას, მარუანმა განაცხადა: "წავაგეთ ერთი და მოვიგეთ ერთი. ჯგუფში ყველას სამი ქულა აქვს და მოგება ამ მატჩშიც უნდა გავაგრძელოთ და "ოლდ ტრაფორდზეც" - იქ ორი მატჩი გვაქვს გასამართი იმაში დასარწმუნებლად, რომ ჯგუფიდან გავალთ. ყველაფერი შეიძლება მოხდეს, ამიტომ ყურადღებით უნდა ვიყოთ".

წყარო: manutd.com