ლუი ვან გაალმა კლუბის ოფიციალურ არხთან ინტერვიუში ჯესი ლინგარდისა და ენტონი მარსიალის მრავალფუნქციურობაზე ისაუბრა.

მარსიალი "მონაკოდან" გადასვლის შემდეგ "იუნაიტედის" თავდასხმის მამოძრავებელი ძალა გახდა, "ევერტონთან" მატჩში კი მარცხენა ვინგერის პოზიცია მოირგო, რაც მანამდე დანიის ნაკრების წინააღმდეგ საფრანგეთის რიგებში სადებიუტო შეხვედრაში გააკეთა.

ჯესი ლინგარდი "გუდისონ პარკზე" მეორე ტაიმში შევიდა და მოსკოვის ცსკა-სთან მატჩის განაცხადში მოხვდა.

ვან გაალი, მულტიფუნქციური ფეხბურთელების დიდი გულშემატკივარი, ყოველთვის მოხარულია ორივე ფეხბურთელის პროგრესით.

"ჩემი აზრით, მარსიალს ოთხ პოზიციაზე შეუძლია თამაში - შვიდ ნომრად, მარჯვენა ვინგერად, 11 - მარცხენა ვინგერად, თავდამსხმელად და ასევე ათიანზე. მაგრამ "მონაკოში" ყოველთვის მარცხენა ვინგერის პოზიციაზე თამაშობდა. სწორედ ამიტომ დავაყენე იქ "ევერტონის" წინააღმდეგ და ასევე კოულმენის გამოც. ვფიქრობ, ძალიან კარგი მარჯვენა ფულ-ბექია, ამიტომ მისი უნარებისგან სარგებელს ვნახავთ.

ლინგარდის კონკურენტია ხუან მატა და ასევე, მაგალითად, ანდერ ერერა ან უეინ რუნი ან, როცა მარცხნივ თამაშობს, მას აქაც შეუძლია თამაში, მისი კონკურენტი მემფისია. ამიტომ ადვილი არ არის შემოსვლა.

დაწყებიდანვე ვარჯიშობდა, ამერიკის შეერთებულ შტატებშიც და ალბათ გახსოვთ მისი გოლი "ბარსელონას" წინააღმდეგ. იმ მატჩში ძალიან კარგად ითამაშა და კარგად ივარჯიშა. თავის მომენტს უნდა დაელოდოს და შესაძლოა, ეს მომენტი ახლა დადგა", - განაცხადა ვან გაალმა.

წყარო: manutd.com