შეხვედრის დაწყებიდან თითქმის ერთი საათის შემდეგ გოლის გატანით უეინ რუნიმ ლუი ვან გაალის ნდობა და შემადგენლობაში კაპიტნის თავდასხმაში გამწესების გადაწყვეტილება გაამართლა.

როცა რუნის პოზიცია გუნდში საეჭვო იყო, ვან გაალმა თავდამსხმელისადმი სრული ნდობა დაგვანახვა და მას შესაფერისი პოზიცია მოუძებნა.

მძიმე გადაწყვეტილება იქნა მიღებული ჰოლანდიელის მიერ, არა მარტო იმიტომ, რომ ფლანგზე 36 მლნ. ფუნტად შეძენილი ენტონი მარსიალი გადაიყვანა.



რუნისთვის პრივილეგიების მინიჭებას ხალხში მითქმა-მოთქმის გამოწვევა შეეძლო, მაგრამ კაპიტანმა "გუდისონ პარკზე" 2007 წლის მერე პირველი გოლის გატანით, ლუი ვან გაალის შეგირდების სრულყოფილი გამოსვლა დააფიქსირა.

"იუნაიტედის" მწვრთნელი აცხადებს, რომ არ იცოდა, რისი მოლოდინი უნდა ჰქონოდა რუნისგან, როცა "ოლდ ტრაფორდზე" მოდიოდა, მაგრამ ინგლისელმა ყველაფერს გადააჭარბა.



"ვფიქრობ, ყველასთვის სამაგალითოა. არა მარტო მისი თანაგუნდელებისთვის, არამედ სხვა კლუბის სხვა ფეხბურთელებისა და მწვრთნელისთვისაც, რადგან ძალიან კომუნიკაბელურია და პროფესიონალური ხედვა აქვს.

ამას კი ვერ წარმოვიდგენდი, როცა ჰოლანდიის ნაკრებს ვწვრთნიდი და სანამ "იუნაიტედში" მოვიდოდი.

რაღაც მსმენოდა მის შესახებ, მაგრამ მან ფანტასტიკური მიდგომა დამანახვა და ძალიან ბედნიერი ვარ, რომ გაიტანა", - განაცხადა ჰოლანდიელმა.

ვან გაალს სჯერა, რომ სეზონის მეექსვე გოლს შეუძლია რუნის მიმდინარე სეზონში გარდატეხა მოახდინოს და ფიქრობს, რომ გატანას გააგრძელებს.

"ევერტონის" წინააღმდეგ დაცვის ხაზის გარღვევები სწორედ ის იყო, რასაც ახალგაზრდობის წლებში აკეთებდა და სწორედ ასე მოიქცა, როცა ტიმ ჰოვარდს გაუტანა და ანგარიში 3-0 დააფიქსირა.



ვან გაალმა დაამატა: "ყოველთვის გარბის უკან შესაფერის დროს და ეს ძალიან მნიშვნელოვანია.

არ ვყოფილვარ ისეთი სწრაფი, როგორც რუნი და არც რუნია ისეთი სწრაფი, როგორც მარსიალი, მაგრამ, როცა შესაფერის დროს აჩქარდები, ყოველთვის უფრო სწრაფი ხარ, ვიდრე მოწინააღმდეგე".

თუ "იუნაიტედი" უტევდა, გუნდს დაცვის ცენტრიდან ფილ ჯონსი და კრის სმოლინგი იცავდნენ.

მაგრამ ვან გაალი აღნიშნავს, რომ კვლავ დაბრუნდება შემადგენლობაში დეილი ბლინდი, თუ ამას საჭიროება მოითხოვს.



"ესეც იმაზეა დამოკიდებული, თუ როგორ მოწინააღმდეგეს ვხვდებით, სახლში ვთამაშობთ თუ გასვლაზე.

გვჭირდება დამცველ ცენტრალურ მცველთა წყვილი თუ თამაშის შექმნის უნარის მქონენი?

უამრავი ასპექტი არსებობს, რომლის მიხედვითაც ფეხბურთელებს ვირჩევ".

წყარო: M.E.N.