"არსენალთან" მარცხის შემდეგ დამაჯერებელ გამარჯვებაზე:
"ძალიან ბედნიერი ვარ ჩემი ფეხბურთელების რეაქციით და მონდომებით გასული მარცხის შემდეგ. დღეს ნამდვილად კარგი თამაში ვაჩვენეთ და ვინ იცის, შეიძლება ეს ბევრი გამარჯვების დასაწყისია"

საწყის თერთმეტეულში ოთხ ცვლილებაზე:
"არსენალთან" მატჩის ფეხბურთელებთან შეფასება ვერ მოვასწარი, რადგან ისინი გუნდში სანაკრებო შესვენებებიდან ახლახანს დაბრუნდნენ. ბევრი სტრატეგიის განხილვა მომიწია მათ ჩამოსვლამდე, რადგან არ ვიცოდი ვინ როგორ ფორმაში მყოფი ჩამოვიდოდა. საბედნიეროდ, არჩეულმა სტრატეგიამ გაამართლა"

ფილ ჯონსზე, როხოზე, ერერასა და შნეიდერლინზე:
"მათ ძალიან კარგად ითამაშეს. როხოს აქამდე ტრავმა აწუხებდა და დღეს გადავწყვიტე, 90 წუთი მეთამაშებინა ისიც და ფილ ჯონსიც, მიმდინარე სეზონში პირველად. ნამდვილად არ მეგონა, თუ სრულად შეძლებდნენ მატჩის ჩატარებას. ანდერ ერერას თამაშითაც ძალიან კმაყოფილი ვარ, თუმცა შეიძლება ოთხშაბათსაც დამჭირდეს, ამიტომ გადავწყვიტე მისი დასვენება და მოედანზე ფელაინის შეყვანა. ანალოგიური მიზეზის გამო შევცვალე ბასტიანი. ბედნიერი მწვრთნელი ვარ, რადგან გუნდში ბევრი კარგი ინდივიდუალური მოთამაშე მყავს. ეს თავდაჯერებულობას მმატებს "ცსკასთან" და "სიტისთან" მატჩებისთვის"

ხუან მატას ჯესი ლინგარდით შეცვლაზე:
"ეს ტაქტიკური ცვლილება იყო და შედეგით კმაყოფილი ვარ. ლინგარდს შეხვედრის დასრულების შემდეგ მივულოცე, რადგან სამუშაოს თავი კარგად გაართვა. ბურთს არ კარგავდა, რუნის მომენტი შეუქმნა, მცველებსაც აქტიურად ეხმარებოდა."

უეინ რუნის გოლზე ყოფილი გუნდის წინააღმდეგ:
"არ მაინტერესებს ვინ იტანს გოლს, ის გუნდმა უნდა გაიტანოს და დღეს ეს სამჯერ შევძელით. შეგვეძლო ხუთჯერაც გაგვეტანა. ძალიან კარგია, რომ მან პირველად გაიტანა გოლი თავისი ყოფილი კლუბის წინააღმდეგ 2007 წლის შემდეგ. ვიმედოვნებ, ეს დასაწყისია მისი ბევრი გასატანი გოლებისა".

წყარო: manutd.com