გარი ნევილის წასვლის შემდეგ გუნდს ჰქონდა პრობლემები მარჯვენა ფლანგის მცველთან დაკავშირებით. "იუნაიტედმა" გარის წასვლის შემდეგ ბევრი მარჯვენა ფლანგზე მოთამაშე მცველი შეცვალა, მაგრამ არც ერთი არ აღმოჩნდა სტაბილურად კარგი მოთამაშე.

საზაფხულო სატრანსფერო ფანჯრის დროს ლუი ვან გაალმა იტალიიდან მატეო დარმიანი გადაიბირა. პირველი რამოდენიმე მატჩის შემდეგ გულშემატკივრებსა თუ გუნდის შტაბს იმედი მიეცათ, რომ მათ იპოვნეს ის იდეალური შემცვლელი გარი ნევილისა, რომელსაც ამდენი წელი ეძებდნენ. რის შემდეგაც ზოგმა პირდაპირ გარი ნევილს შეადარა.

მატეო დარმიანმა "მანჩესტერ იუნაიტედში" თავის ტრანსფერზე ისაუბრა. მან განაცხადა, რომ გადაწყვეტილების მიღებისას საერთოდ არ უფიქრია.

"მე ვითამაშე იტალიის ნაკრებთან ერთად მსოფლიო ჩემპიონატზე და ამან მე თვითრწმენა მომცა. როდესაც შესაძლებლობა გეძლევა ითამაშო ასეთ დონეზე იმის მანიშნებელია, რომ შენ შეგიძლია კონკურენცია გაუწიო საუკეთესო ფეხბურთელებით საუკეთესო გუნდებს. ეს კი მორალურად გაძლიერებს.

მე ინგლისურ პრემიერ ლიგას თვალყურს ვადევნებდი ტელევიზიით, ვიცოდი როგორი ძლიერი ჩემპიონატია და ერთ-ერთი საუკეთესოც ამასთანავე. როდესაც მე მივიღე ზარი "მანჩესტერ იუნაიტედისგან" ბევრი ფიქრი არ დამჭირვებია, ვიცოდი, რომ ეს იყო წინ გადაგმული ნაბიჯი კარიერაში, ასეთი შანსის არ გამოყენება არ შეიძლებოდა. "იუნაიტედი" უდიდესი გუნდია თავისი ისტორიით და ასევე ერთ-ერთი საუკეთესო მთელ მსოფლიოში. ამიტომ არ გამიჭირდა ამ საკითხის გადაწყვეტა." - დაასრულა მატეომ.

წყარო: redevils.ru