მემფის დეპაის მაისური პრემიერ ლიგის სხვა ფეხბურთელების მაისურებთან შედარებით ყველაზე გაყიდვადია.

რაც შეეხება მსოფლიო მასშტაბს, აქ ჰოლანდიელი მხოლოდ ლიონელ მესისა და კრიშტიანუ რონალდუს ჩამორჩება.

Kitbag-ის მონაცემებით, 1 ივლისის შემდეგ დეპაის 7 ნომრიანი მაისური პრემიერ ლიგაში ყველაზე მოთხოვნადია.

ჰოლანდიელი "ოლდ ტრაფორდზე" ზაფხულს გადაბარგდა 25 მლნ. ფუნტის სანაცვლოდ და პსჟ-ში დი მარიას გაყიდვამდე მისი სათამაშო ნომერი ცნობილი არ იყო.

თუმცა შეერთებულ შტატებში გამართულ ტურნეზე 21 წლის ფეხბურთელს 9 ნომრიანი მაისური ეცვა.

"იუნაიტედის" კიდევ ერთი ახალწვეულის, ბასტიან შვაინშტაიგერის მაისური გაყიდვების მიხედვით მეოთხე ადგილზეა, ხოლო უეინ რუნის, მე-6.

1 ივლისიდან 20 სექტემბრამდე გაყიდული მაისურების საერთო რეიტინგი კი ასე გამოიყურება:

1. ლიონელ მესი (ბარსელონა)

2. კრიშტიანუ რონალდუ (მადრიდის რეალი)

3. მემფის დეპაი (მანჩესტერ იუნაიტედი)

4. ბასტიან შვაინშტაიგერი (მანჩესტერ იუნაიტედი)

5. ედენ აზარი (ჩელსი)

6. უეინ რუნი (მანჩესტერ იუნაიტედი)

7. ნეიმარი (ბარსელონა)

8. სერხიო აგუერო (მანჩესტერ სიტი)

9. ალექსის სანჩესი (არსენალი)

10. ფილიპე კოუტინიო (ლივერპული)

წყარო: M.E.N.